AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Azərbaycanda kriptovalyuta bazarı: 1 bitkoinə 40 min verənlər var


Tarix 22.09.21, 8:53	Font ölçüsü : - / +

Türkiyə ərazisindən isə son bir ildə kriptovalyutalara 2 milyard dollar yatırım edilib

Türkiyə prezidenti Rəcəb Tayyib Ərdoğan kriptovalyutalara keçmək kimi bir dərdlərinin olmadığını, tam əksinə, onlara qarşı ayrı bir savaş və mübarizələri olduğunu deyib. Ərdoğan “Onlara imkan vermərik, verməyəcəyik də. Çünki biz pulumuzla yola davam edəcəyik”, - deyib.

Türkiyəni bu məsələdə qorxudan nədir, bu da olduqca maraqlıdır. Onu da qeyd edək ki, ən iri kriptovalyuta olan bitkoin həftənin ilk iş günündə sürətlə dəyər itirib. Marja.az xəbər verir ki, 10% ucuzlaşan “alternativ qızıl” hazırda 43 min dollardan aşağı satılır. Bu isə cari ilin aprelində Bitkoinin çatdığı tarixi rekorddan - 65 min dollardan xeyli azdır. Səhm bazarındakı çaxnaşma kriptovalyuta sektoruna da sirayət edib. Çinin daşınmaz əmlak nəhəngi “Evergrande”nin 300 milyard dollar borcla defolta yaxın olması və ABŞ Mərkəzi Bankının (FED) bu həftə gözlənilən vacib toplantısı investorlarda ehtiyatlılıq yaradıb.

Bitkoinin ikinci ən yaxın izləyicisi - Ether də 12% ucuzlaşaraq, 2985 dollara düşüb.

Mövzu ilə bağlı “Yeni Müsavat”a danışan iqtisadçı ekspert Natiq Cəfərli bildirdi ki, kriptovalyutalar həddindən artıq risklidir və informasiyalara həssas olan aktivlərdir: “Çünki kifayət qədər sürətlə bahalaşır və eyni sürətlə ucuzlaşa bilər. Əslində bunlar toksik aktivlər hesab olunur. Kriptovalyutalar xəbər axınlarına yetərincə həssas bir yatırım növüdür. Həddindən artıq spekulyativ aktivdir. Son zamanlar Türkiyə vətəndaşlarından 4 milyona yaxın insanın bu aktivə giriş etdiyi görülür. Bu da Türkiyə hökumətinin və Mərkəzi Bankının narahatlığına səbəb olub. Birdən-birə bu qədər insanın kriptovalyuta bazarında aktiv olması, bitkoin və digər koinlərə yönəlməsi sonradan onların böyük itkilərlə üzləşməsinə səbəb ola bilər. Müxtəlif rəqəmlər səsləndirilir, amma ən az səsləndirilən rəqəm budur ki, Türkiyə ərazisindən son bir ildə kriptovalyutalara 2 milyard dollar yatırım edilib. Hətta bundan bir neçə dəfə artıq rəqəmlərlə ifadə olunan açıqlamalar da var. Rəqəmlər arasında yaranan fərqin səbəbi odur ki, bəzi Türkiyə vətəndaşları başqa ölkələrin hesablarından da bitkoin əməliyyatlarında istifadə edirdilər. Yəni onlar Türkiyədə yaşasalar da, əməliyyatlar başqa ölkənin ərazisində qeydə alınır. Ona görə də Türkiyə hökuməti bir qədər sərt mövqe sərgiləyir ki, vətəndaşlarının itkilərdən qorunmasına müəyyən qədər yardımçı olsunlar. Yeri gəlmişkən, təkcə Türkiyədə deyil, Çində də çox ciddi maneələrin yaradılması ilə bağlı xəbərlər dolaşır, heç də təsadüfi deyil, ki, bitkoin və digər koinlər son iki gündə çox kəskin ucuzlaşıb. Təqribən 14-15 min dollara yaxın ucuzlaşma müşahidə olunub. Qiyməti 64 min dollar olan bitkoin indi 42 min dollara düşüb. Əsas səbəb budur və Ərdoğan Türkiyə vətəndaşlarını yatırımlarını qorumaq məqsədilə bu addımı atır”.

İqtisadçı vurğuladı ki, Azərbaycanda isə fərdi qaydada bir neçə investor bununla məşğul olur: “Bizdə kriptovalyuta əməliyyatları o qədər də populyar deyil, yatırım kimi də çox bahalı olduğundan, sadə vətəndaşların da bura marağı o qədər çox deyil. Bir bitkoinə 40-42 min dollar yatırmaq üçün o qədər imkanlı insanlar olmalıdır ki, risk etməyi bacarsın. Bizdə bu bazar çox dardır, amma onunla məşğul olanlar var. Qazananlar da var, itirənlər də var. Kriptovalyutalar həddindən artıq spekulyativ yatırım növüdür”.

Xəbərin oxunma sayı : 403