AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Büdcədən oğurlanan milyonlar: Sabiqlərin topdağıtmaz sərvəti - Siyahı


Tarix 23.07.21, 16:30	Font ölçüsü : - / +

Azərbaycanda məmurlar acgözlükdə evin tualetinə qızıl unitaz qoymuş rus korrupsionerlərindən geri qalmırlar...

Stavropol Yol Polis şöbəsinin direktoru, korrupsiya ittihamı ilə həbs edilən Aleksey Safanovun evində axtarışda üzə çıxan faktlar çoxlarını təəccübləndirib. Belə ki, rüşvət ittihamı ilə nəzarətdə olan Safanovun evinin içərisi qızıl işləmələrlə tamamilə örtülüb. Fotolara əsasən polkovnikin ikimərtəbəli malikanəsinin darvazası, sütunları qızıl suyuna çəkilib. O cümlədən evin içərisində dəbdəbəli mebellər, bahalı lüstürlər qeydə alınıb. Evin tualetində isə qızılı unitaz qoyulub, vanna otağının qapısı da qızıl suyuna çəkilib, kranların da hamısı qızıl suyu ilə işlənib. Evin pilləkənləri mərmərdəndir, qapılar əllə işlənib. Voronej vilayəti üzrə Dövlət Yol Hərəkətinin Təhlükəsizliyi Müfəttişliyinin (keçmiş “QAİ”) keçmiş rəis müavini, polis podpolkovniki İqor Kaçkin həbs edilib. Kaçkinin mülkiyyətində 22 mənzilin olduğu üzə çıxıb, mənzillərin ümumi dəyəri 50 milyon rubla yaxındır.

Azərbaycanda da məmurlar acgözlükdə Rusiyadakı həmkarlarından geri qalmırlar. Yəhudilərin “pul yeyən doymaz” atalar sözü bizim məmurların həyat devizidir. Ümumiyyətlə, pulla bağlı məsələlərdə məmurlarımız yəhudi düşüncə tərzinə çox yaxındırlar. Fərq ondadır ki, məmurlarımız öz pullarını deyil, xalqın cibindən oğurladıqlarını artırmaqla, bizneslərini genişləndirib şaxələndirməklə məşğuldurlar. Oğurladıqca iştahlanır, oğurlayırlar...

Ümumdünya axtarış sistemi Google-də “məmur mülk siyahı” sözlərini yazıb daxil etmək kifayətdir ki, Stavropolda korrupsiya ittihamı ilə həbs edilən Aleksey Safanovun bizim məmurların yanında “balaca oğru” olmasını görəsən. Biz də elə bu şəkildə axtardıq, 3 sözü daxil etməklə böyük oğurluqların xəritəsinə vaqif olduq.

2005-ci ilin oktyabrında Fərhad Əliyev həbs edilən günlərdə səhiyyə naziri Əli İnsanov da qandallanmışdı. Onun nazir olduğu günlərdə sahibləndiyi mal-mülkün dəyərinə Aleksey Safanov Stavropolda deyil, paytaxtı Moskvada 10 daha dəbdəbəli, qızıl-platinlə işlənmiş, əl işi olan qapı-bacalı imarətlər qura bilərdi.

Xalq 10 “şirvan”la günü-günə calamaqla ayı başa vurduğu illərdə İnsanov varidat siyahısını babat genişləndirə bilmişdi. Və bütün bunlar neft pulları ölkəyə sel kimi axmağa başladığı 2005-ci ilə qədər baş vermişdi. İstintaq materiallarında yer alan siyahı belə idi:

Bakı şəhərində, Nəsimi rayonunda, Mirəli Qaşqay küçəsi-76 ünvanında yerləşən Axundov adına Milli Elmi Tədqiqat və Tibbi Profilaktika İnstitutunun Tibbi parazitoligiya klinikasının 702, 2 kvadratmetr qeyri-yaşayış və 1008, 7 kvadrat metr torpaq sahələri.

Nəsimi rayonunda, Rəşid Behbudov küçəsi-80 ünvanındakı İnformatika və Statistika İdarəsinin Məlumat Mərkəzinin yerləşdiyi 821, 7 kvadratmetr qeyri-yaşayış sahəsi.

Binəqədi rayonu, Mir Cəlal küçəsində yerləşən 9 saylı şəhər poliklinikasının yardımçı binasının 91,4 kvadrat metr qeyri-yaşayış sahəsi.

Yenə həmin rayonun Mir Cəlal küçəsində yerləşən 21 saylı uşaq poliklinikasının yardımçı binasının 176,5 kvadrat metr qeyri-yaşayış və 680 kvadrat metr torpaq sahələri.

Nəsimi rayonu Azadlıq prospekti 114, Respublika Xalq Təbabəti Mərkəzinin 894,4 kvadratmetr qeyri yaşayış sahəsi.

Nəsimi rayonu, Bakıxanov küçəsi-42 ünvanında yerləşən 5 saylı şəhər poliklinikasının 148,4 kvadrat metr qeyri yaşayış sahəsi.

Əliyev adına Təsərrüfat hesablı poliklinikanın Nəsimi rayonu Bülbül prospekti 43 ünvanında yerləşən 69,2 kvadrat metr qeyri-yaşayış sahəsi.

Bakı şəhəri Nizami rayonu, Qara Qarayev prospekti, 84 ünvanında yerləşən Bakı Şəhər 17 saylı uşaq poliklinikasının 37,4 kvadrat metr qeyri-yaşayış sahəsi.

Nəsimi rayonu Məhərrəmov küçəsi, 37 ünvanında yerləşən 12 saylı uşaq poliklinikasının 196,5 kvadratmetr qeyri-yaşayış sahəsi və 244,8 kvadrat metr torpaq sahəsi.

523 adda qızıl-zinət əşyaları, Lüksemburq Hersoqluğunun “Bank de Lüxeburq” kommersiya bankında hesab.

2021-ci ilin aprelində Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifəsindən azad edilən Əhməd Əhmədzadənin varidat siyahısı isə Əli İnsanovun varidatını kölgədə qoyur. Aleksey Safanov vaxtında Əhməd Əhmədzadənin oğlu Cuma ilə tanış olsaydı, yəqin ki, mal-mülkləri ilə bunca qürrələnib yaxasını istintaqçıların əlinə verməzdi.

15 il Azərbaycanın su təsərrüfatına rəhbərlik etmiş, əli neft dollarlarına da çatan Əhməd Əhmədzadə bu illər ərzində özünə böyük, nataraz bir biznes qurub. Oğlu Cumanın adına olan biznesin flaqmanı “Lipno Investment s.r.o.” şirkətinin sənədləri 2019-cu il iyun ayının 4-də Çexiyanın Maliyyə Nazirliyinə təqdim olunub. Şirkətin aktivləri 2 milyon 89 min dollar, bundan başqa şirkətin qeyri-maddi mal varlığı 1 milyon 860 min dollar təşkil edir.

“Lipno Investment s.r.o.” adlı bu şirkət 2017-ci ildə Cuma Əhmədzadənin və onun həyat yoldaşı Günel Rüstəmovanın (ər-arvad) şərikli sahibi olduqları ALPS sro şirkəti (bu şirkətin aktivləri 1,5 milyon dollar təşkil edir) üzərindən təsis edilib. Bu şirkət Cuma və Günelin Avropada sahib olduqları onlarla şirkətdən biri, sərvətlərinin bir damcısıdır.

Əhməd Əhmədzadənin sərvətlərinin siyahısını təqdim edirik:

Villa və mənzillər

Qax rayonu, İlisu kəndində dəbdəbəli villa;

Zaqatalada 1 hektarlıq sahədə, 5 milyon manatlıq villa;

Londonda “69-70 Princes GateKnightsbridge, SW7 2PA” ünvanında 6-cı, 7-ci və 8-ci mərtəbələrdən ibarət malikanə;

Kiprdə dəbdəbəli malikanə;

Bakıda, Yasamal, Zahid Xəlilov küç. ev 68, mənzil 88;

Bakı, Binəqədi rayonu, S,S, Axundov küç, ev 1/2 ünvanda mənzil;

Qax, M.F. Axundov küç, ev 15 ünvanında mənzil;

Zaqatala, Car küç. ev 3A ünvanda mənzil.

Hotellər və restoranlar:

Qaxda “El Resort” hotel kompleksi;

Qax, İlisu kəndində “Yurd Hotel” istirahət kompleksi;

İlisu kəndində “Yaşıl Park” otel kompleksi;

“Səngər Qala” hotel kompleksi,

“Ulu Dag” hoteli,

Qax rayonu, Eden Park Hotel;

Qax, Qaxbaş kəndində 54700 kv metrlik (5.5 hektar) ərazisi olan “Residence” ailəvi istirahət mərkəzi.

Bakı, Koroğlu Rəhimov küçəsindəki “Novbahar” Restoranı

Bakıda “Zakura Yapon mətbəxi” restoranı

Yerli şirkətləri və obyektləri:

Qax Fındıq Zavodu;

Qax rayon taxıl məhsulları kombinatı;

Qax Rayon Avtovağzalı;

“Uluyurd” şirkətlər qrupu:

“Advisors CO.” şirkəti;

“Proyekt”, MMC şirkət;i

“Çağdaş” MMC şirkəti;

“Elit-R1" MMC şirkəti;

“Muğal” Məhdud Məsuliyyətli Cəmiyyəti;

“Corasuni” Məhdud Məsuliyyətli Cəmiyyəti;

“İlisu Uludağ Turizm və İstirahət Kompleksi”;

Xaricdə olan şirkətləri:

Çexiyada “ALPS s.r.o.” şirkəti;

İngiltərədə “Gyunel Limited” şirkəti

İngiltərədə “Globally LTD” adlı daha bir şirkət

Türkiyədə “Etiler Dış Ticaret Limited” şirkəti

Kipr və Cenevrədə də də şirkətləri və biznesləri mövcuddur

Vəzifədə olan yaxin qohumlarinin bir hissəsinin adi:

Qardaşı Mübariz Əhmədzadə Zaqatala Rayon İcra Hakimiyyətinin başçısı

Coşqun Əhmədzadə Bakı Baş Gömrük İdarəsi rəisinin birinci müavini;

Rəşad Əhmədzadə polis orqanlarında bölmə rəisi;

Xalası oğlu Musa Şəkiliyev Qax Rayon İcra Hakimiyyətinin başçısı;

Qardaşı oğlu Vüqar Əhmədzadə - DSMF Qax rayon şöbəsinin müdiri;

Qardaşı oğlu Tərlan Əhmədzadə Qax Mərkəzi Xəstəxananın baş həkimi.

7 il İmişli Rayon İcra Hakimiyyətinin başçısı vəzifəsini tutmuş Vilyam Hacıyev belə Aleksey Safanovu təəccübləndirəcək qədər varidat sahibidir.

62 yaşlı Vilyam Hacıyev 15 ildən çox icra başçısı olub. Həmin müddətin 7 ilini İmişlidə başçı vəzifəsində keçirib. Bu illər ərzində babat da mal-mülk yığa bilib.

Siyahıya baxaq:

Bakıda, Həsən Əliyev küçəsində villa

Bakı, “Sahil” metrostansiyası üzərindəki çoxmərtəbəli binada 5 otaqlı mənzil

Bakı, Nərimanov rayonu, S. Rəhman küç. ev 45 ünvanında mənzil

Bakı, Teymur Əliyev küç. “Milyonerlər məhəlləsi”ndə qiyməti 25 milyon manat civarında olan villa

İmişli rayonunda, H. Əliyev küç. ev 126 ünvanında mənzil

Gəncə şəhəri, Yeni Gəncə küç. ev 53 ünvanında mənzil

Dubayda milyonluq biznesi

Qazaxıstanda tikinti biznesi

İmişli, Daşkəsən, Gəncə, Göygöl rayonu və Bakıda müxtəlif ticarət obyektləri, torpaq sahələri, şadlıq evləri, mülkləri mövcuddur.

Oğlu Məhəmməd Hacıyev Nərimanov Rayon Prokurorluğunun əməkdaşı olub. Hüquqşünas oğul mətbuatda dəfələrlə qalmaqal yaradan, davakar kimi məşhurlaşıb.

Məhəmməd Hacıyevin avtomobil kolleksiyası:

Az 10 PP 369 dövlət nömrə nişanlı “Bentley”

Eyni nömrə nişanlı “Land Rover”

Az 90 AA 369 dövlət nömrə nişanlı “Mercedes S class”

Həmçinin son model “Mercedes Gelandewagen”.

Siyahını, qeyd etdiyimiz kimi, bəs deyincə artırmaq da olar. Aleksey Safanovun həbsdə olduğu bu günlərdə Azərbaycanda onun varidatlarına, dəbdəbəli imarətlərinə, bahalı maşınlarına qibtə edə biləcəyi xeyli korrupsioner məmur azadlıqda, kefdə-damaqdadır. Dünya bu qədər haqsızdır.../Musavat.com/

Xəbərin oxunma sayı : 505