Qaynarinfo xəbər verir ki, müsabiqənin qalibi "Aran Tikinti-Quraşdırma” MMC olub. Tərəflər arasında bağlanan satınalma müqaviləsinin maliyyə dəyəri 341 532.8 AZN təşkil edir. Mərkəzi Dəmir Yol Xəstəxanasında konkret olaraq hansı təmir işlərinin aparılacağı barədə məlumat verilmir.

İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, "Aran Tikinti-Quraşdırma” MMC 29 iyul 2020-ci il tarixdə qeydiyyata alınıb. Nizamnamə kapitalı 10 AZN olan şirkətin hüquqi ünvanı Xətai rayonu, Məhəmməd Hadi küçəsi, ev 51, mənzil 1-dir. MMC-nin qanuni təmsilçisi Cəfərov Maşallah Möhsüm oğludur. 

Açıq mənbələrdə nə şirkət, nə də qanuni təmsilçisi barədə məlumat var.

Araşdırmalarımız zamanı isə aydın olub ki, "Aran Tikinti-Quraşdırma” MMC 1 ildir fəaliyyət göstərməsinə baxmayaraq, iri məbləğli satınalma müsabiqələrinin qalibi olub. Bu müqavilələrə əsasən 2021-ci ilə təsadüf edir. Cari ildə sözügedən MMC nə az, nə çox - 4 033 033.17 manatlıq sifariş alıb. 

Yeni yaranan, barəsində hər hansı məlumat olmayan "Aran Tikinti-Quraşdırma” MMC-yə bu etimadın səbəbi bəlli deyil. "Dövlət satınalamları haqqında” Qanuna görə satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması vacidbir. Yeni yaranan şirkəti bu kriteriyarala cavab verdiyi inandırıcı görünmür.

"Azərbaycan Dəmir Yolları” QSC-nin sədri Cavid Qurbanovdur. O, 2015-ci ildən bu vəzifəni daşıyır.