AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Dövlət bankları özəlləşdiriləcək? - “Bir çox beynəlxalq qurumların marağı var...“


Tarix 23.09.21, 18:51	Font ölçüsü : - / +

Prezident İlham Əliyevin sentyabrın 22-də imzaladığı sərəncam ilə üç maliyyə qurumu - Azərbaycan Beynəlxalq Bankı, "Azər Türk Bank" və "Azərsığorta" İnvestisiya Holdinqinin idarəetməsinə verilib.

Azərbaycan İnvestisiya Holdinqi 2020-ci ilin avqustunda yaradılandan sonra bir sıra dövlət qurumları onun idarəetməsinə keçib.

Bir neçə il əvvəl Azərbaycan Beynəlxalq Bankın (ABB) zərərli aktivləri milyardlarla ölçülürdü. 2017-ci ildə ABB-nin 9.93 milyard manat dəyərində toksik aktivini dövlət alıb, likvidlik dəstəyinin göstərilməsi üçün ona 1.3 milyard dollar və 70 milyon manat həcmində depozit yerləşdirib.

ABB 2020-ci ili böyük mənfəətlə başa vurduğunu açıqlayıb. Bankın hesabatına görə, qurum ötən il 129 milyon manat xalis mənfəət əldə edib.

Dövlət bankı "Azər Türk Bank"a gəlincə, bu il iyulun 1-nə onun aktivləri 335.4 milyon manat olub. İkinci rübdə bank 448 min manat xalis mənfəət əldə edib ki, bu da ötənilki göstəriciyə nisbətən çoxdur.

Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov "Turan"a bildirib ki, Azərbaycan Beynəlxalq Bankında vaxtilə çox ciddi problemlər olub: "O vaxt dövlət büdcəsindən kifayət qədər vəsait ayrılmışdı ki, ayağa qalxsın, sonra çıxardaq satışa. Amma keçən bu dövr ərzində Beynəlxalq Bankın fəaliyyəti buna imkan vermirdi".

Komitə üzvünün fikrincə, buna görə bank Azərbaycan İnvestisiya Holdinqinin idarəetməsinə verilib: "İnvestisiya Holdinqi, yəqin ki, özəlləşmə məsələsinə də baxacaq. Bu, özəlləşmə məsələsi İnvestisiya Holdinqinə verilmiş digər maliyyə qurumlarına da aiddir".

İqtisadçı Natiq Cəfərlinin isə "Azadlıq" radiosuna bildirib ki, plan hazırlanıb və ona uyğun olaraq dövlət aktivləri hissə-hissə İnvestisiya Holdinqinin idarəetməsinə veriləcək: "Bundan öncə də biz bəzi dövlət şirkətləri ilə bağlı buna bənzər qərarları gördük. Təəssüf ki, bu qərarların icrasının hansı dəyişikliklərə yol açdığını görmədik. Bununla bağlı hökumətin açıqlaması yoxdur".

Bununla belə o qeyd edib ki, sözügedən üç maliyyə qurumunun idarəetməsinin İnvestisiya Holdinqinə verilməsi gözlənilən idi: "Çünki bütün dövlət aktivləri gec-tez həmin Holdinqə veriləcək. Amma dövlətin bu aktivləri son vaxtlar gəlirlə işləyən aktivlərdir. Düzdür, Beynəlxalq Bankda çox ciddi yeyintilər baş verdi. Lakin dövlət bəzi tədbirləri görərək bankın balansını xeyli təmizlədi və hazırda müsbət tendensiya var". Onun fikrincə də, bunun əsas hədəflərdən biri həmin bankların ya qismən, ya da tam özəlləşməyə çıxarılması ilə bağlıdır: "Bu ilin sonu və ya gələn ilin əvvəllərində ABB-də və "Azər Türk Bank"da olan dövlət səhmlərinin satışa çıxarılması mümkündür. Bir çox beynəlxalq qurumların da buna marağı var".

Xəbərin oxunma sayı : 964