AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Azərbaycandan xaricə milyonlar çıxaran dəstə - Qazaxlı “Musto“, Aqil, Nicat və digərləri...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Direktorların “maaş kartı” oyunu: “Məktəblərdə maliyyə pozuntuları…”


Tarix 09.04.21, 12:35	Font ölçüsü : - / +

“Yəni, heç bir müəllim birbaşa dərs saatı almamalı, işçilər kənar müdaxilə olmadan işə qəbul edilməlidir”

Yevlaxda məktəb direktoruna cinayət işi açılıb. Rayonun Əkşəm kənd tam orta məktəbinin direktoru vəzifəsində işləmiş Bəkirov Babək Nizam oğlunun 2014-2020-ci illər ərzində dövlət büdcə vəsaitlərini mənimsəməsi faktı aşkarlanıb.

Yevlax rayon prokurorluğundan bildirilib:

“Aparılmış araşdırmalarla Babək Bəkirovun işdən azad edilmiş şəxsin adını vəzifəsini icra etmədiyi halda 5 il müddətində məktəbin əmək haqqı ödəniş cədvəllərinə daxil etməklə bank kartına köçürülmüş əməkhaqqı və digər ödənişləri nağdlaşdıraraq götürüb mənimsəməsinə əsaslı şübhələr yaranıb.

Eyni zamanda ayrı-ayrı müəllimlərin adlarına əlavə dərs saatları yazaraq rəsmi sənədlərə bilə-bilə yalan məlumatlar daxil etməsinə, müəssisənin təsərrüfat fəaliyyətini, avadanlıqların uçotunu və mühafizəsini təmin etməməklə hüquqi şəxs olan Yevlax rayon Təhsil şöbəsinin hüquqlarına və qanuni mənafelərinə ümumilikdə, 10 min manat məbləğində mühüm zərər vurmasına əsaslı şübhələr müəyyən edilib.

Hadisə barədə “Sherg.az”a danışan tarix elmi üzrə fəlsəfə doktoru, təhsil eksperti Kamran Əsədovun sözlərinə görə, təəssüf ki, son vaxtlar müsabiqə və müsahibə yolu ilə işə qəbul edilmiş bəzi direktorların qanunsuz əməllərinin sayı və vurduqları zərərlər çoxdur:

“Buna göz yuman bir sıra rayon təhsil şöbələri və maliyyə idarələrini görə bilirik. Məhz bunun nəticəsidir ki, insanların təhsilə inamı azalıb. Vahid ştat cədvəlinə görə təhsil işçilərini orta ümumtəhsil məktəblərinə işə götürən və ya işdən azad edən hər bir şəxs avtomatik olaraq elektron portalda qeyd olunur. Amma bölgələrdə bu qanun pozuntusu 2 formatda həyata keçirilir: Birincisi, məktəb direktorları ailə üzvləri və dost-tanışlarının adını sistemə təmizlikçi, texniki işçi və.s vəzifəyə yazırlar. Lakin həmin şəxslər işə gəlmir, onların maaş kartı direktorda olur.

İkincisi, direktorlar bir çox hallarda əlavə dərs və uşaq sayı yazmaqla süni şəkildə dərs yükünü və uşaq sayını artırıb dərs otaqlarını çoxaldırlar. Bu da dövlətdə maliyyə pozuntusuna səbəb olur.

Vaxtilə təklif etmişdim ki, orta ümumtəhsil məktəblərində müəllimlərin dərs saatından tutmuş digər məsələlər elektronlaşmalıdır. Yəni, heç bir müəllim birbaşa dərs saatı almamalı, işçilər kənar müdaxilə olmadan işə qəbul edilməlidir. Fikrimcə, bu qaydanın Azərbaycan təhsil sistemində tətbiq edilməməsi direktorların sui-istifadəsinə gətirib çıxarır”.

K.Əsədov qeyd edib ki, məktəb direktorları kiminsə işdən azad olunmasına dair ərizə alırlar, amma həmin şəxslər işdən azad edilmir:

“Çünki kənd yeridir, o şəxslər haradasa təsərrüfat yerində çalışırlar və məktəbdə hansısa vəzifə daşımadıqları yadlarından çıxır. Direktorların bu tipli qanun pozuntularını mütəmadi olaraq müşahidə edə bilirik. Hesab edirəm ki, təhsil sistemində davamlı yoxlamaların həyata keçirilməməsi, bir çox hallarda təhsilin yuxarı qurumunda neqativ hallar göz yumulması ciddi pozuntulara səbəb olur. Nəticədə Azərbaycanda vətəndaşların təhsilə inamı “ölür”.

Ölkəmizdə təkcə Təhsil Nazirliyinə 5300 qurum tabedir. Onların hər birinə ciddi şəkildə maliyyə yoxlaması həyata keçirmək lazımdır. Çünki bir çox məktəblərdə maliyyə pozuntuları var”.

Xəbərin oxunma sayı : 328