İqtisadçı, deputat Vüqar Bayramov bildirir ki, valyuta dəyişmə məntəqələrində manatın mövcud məzənnəsi də məhz dollara tələbin kəskin artmasından xəbər verir.

Onun sözlərinə görə, rəsmi məzənnənin stabil qalmasına baxmayaraq aktiv valyuta dəyişmə məntəqələri dolların satış deyil alış kursunu manata nisbətən 1.70 müəyyənləşdiriblər.

“Neftin dünya bazar qiymətinin yüksək olmasına rəğmən Azərbaycan valyuta bazarında volatillik artıb. Bununla belə, aparılan təhlillər göstərir ki, tələbin artması yalnız psixoloji faktorlar ilə bağlı deyil”, - o əlavə edib.

Deputat vurğulayır ki, dollara yüksək tələbin müşahidə olunmasına baxmayaraq Mərkəzi Bankın bu məsələyə münasibət bildirməməsi də diqqəti cəlb edir.

“Bu dönəmdə requlyator tərəfindən kommunikasiyanın gücləndirilməsi çox vaicbdir”, - o əlavə edib.