AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Ermənistan yenə rəzil oldu - 100 minlik yalan, BMT şilləsi və...


Tarix 30.09.23, 19:45	Font ölçüsü : - / +

“Laçın” postundan keçən ermənilərin o taydan ilk təəssürat videoları yayılıb. Gözlənildiyinin əksinə olaraq, Qarabağın erməni sakinləri əleyhimizə, demək olar, pis bir şey söyləməyiblər. Sərhədçilərimizin onlarla mədəni, nəzakətlə davrandığını, təhqiramiz, hədələyici ifadələr işlətmədiklərini, təzyiq göstərmədiklərini bildiriblər.

Beləcə, nə qədər qəribə də görünsə, ünvanımıza faktiki xoşagəlməz sözlər deyilməyib. Səbəb iki ola bilər:

1. Ola bilsin onlar Ermənistana könülsüz köçüblər və ona görə separatçı-xuntaçılardan, səbəbkarlardan bu şəkildə narazılıq ifadə edirlər – gerçəyi söyləməklə.

2. İstisna deyil ki, nə vaxtsa Qarabağa qayıdacaqlarını göz önünə alaraq, öz əleyhlərinə işlənəcək böhtan xarakterli açıqlamalardan çəkiniblər.

Bütün hallarda ermənilərin video-təəssüratları azərbaycanlı jurnalistlərin postumuzda çəkdikləri çoxsaylı videoları tamamlayır və təbliğat savaşında bizim işimizə əməllicə yarayacaq. İlk növbədə də İrəvan rəsmilərinin Azərbaycana qarşı etnik təmizləmə iddiasını daha kəsərsiz eləmək üçün...

Yeri gəlmişkən, Ermənistan artıq utanmazcasına etnik diskriminasiya iddiası ilə BMT Ədalət Məhkəməsinə (BƏM) Azərbaycandan şikayət göndərib. Ancaq düşünmürük ki, “daşdan keçən” N sayda əks-dəlillərin fonunda belə cəhdlərin ciddi nəticəsi olsun. Böyük ehtimalla, balanslı qərar çıxarılacaq, Azərbaycanı mifik “soyqırımı”nda suçlamaq mümkün olmayacaq. Çünki soyqırımı, etnik təmizləmə belə olmur. Bu soyqırımıdırsa, onda Xocalıda törədilənlər nə idi bəs?

Müxtəsəri, Ermənistan qapıbir qonşu Azərbaycan və Türkiyə ilə təcili barışmaq, düşmənçiliyə son vermək, öz xalqını inkişaf yoluna çıxarmaq əvəzinə, yenə özünüifşa, özünü və xalqını aldatma yolunu tutub. Amma elə ermənilərin öz dili ilə ifşa olunmaqdadır...

Üstəlik, İrəvan rəsmilərinin rəqəm saxtakarlığı da davam edir. Paşinyan hökuməti bu gün bəyan edib ki, guya Qarabağı artıq 100 mindən çox erməni tərk edib (100 4i7). Gerçək göstərici isə əlbəttə ki, “Laçın” postundan veriləcək. Haylara qalsa, onların meyitləri də doğub-törəyir. Necə ki, Osmanlı İmperiyasında məlum hadisələr zamanı ölən ermənilərin sayının (300 min) bir əsrdə 5 dəfə böyüdərək 1.5 milyona çatdırıblar.

Qarabağda gedənlərin sayını da bir azdan 200 min elan etsələr, təəccüblənmərik. Amma yəqin ki, 120 mində dayanacaqlar. Nədən ki, “blokada” şousu zamanı da bu rəqəmdən istifadə ediblər. Hərgah, 44 günlük müharibədən sonra Qarabağda qat-qat az erməni yaşayıb. Demək, sərhədçilərimizin açıqlayacağı yekun rəqəmlə (gerçəklə) erməni rəsmilərin yalanı arasında təzad qaçılmazdır.

Şəkk-şübhə yox ki, şişirtmə rəqəm İrəvana həm də BƏM-də bizə qarşı istifadə eləmək, Qarabağda bircə erməninin qalmadığı, Bakının reinteqrasiya siyasətinin guya iflas olduğunu dünyaya göstərmək, bir də ağlaşma qurub ABŞ və Avropadan daha çox humanitar yardım qoparmaq üçün gərəkdir...

Və sonda. Erməni tərəfinin “soyqırımı” yalanına BMT-dən şillə kimi reaksiya gəlib. Özü də qurumun Qaçqınlar üzrə Ali Komissarlığının Ermənistandakı nümayəndəsi Kavita Belanidən. Cenevrə ofisinin həftəlik mətbuat konfransında onlayn çıxışı zamanı o bildirib ki, BMT Azərbaycanın Qarabağ bölgəsini öz istəkləri ilə tərk edərək Ermənistana köçən erməni sakinlərə qarşı pis rəftarla bağlı heç bir fakt qeydə almayıb.

“Bilirəm ki, indiyədək heç bir insident, pis rəftar halları ilə bağlı fakt yoxdur. Bu, uzun yoldur, tıxaclar insanlar üçün çətinlik yaradır. Lakin azərbaycanlılar tərəfindən pis rəftar halları qeydə alınmayıb”, - Belani qeyd edib.

Əla. İfşa prosesi isə davam edəcək. Çünki haqq nazilər, üzülməz. İndi XIX əsr deyil. Bayırda 2023-cü ildir, internet əsridir. İndi ənənəvi “palazqulaq” erməni yalanlarını dünyaya sırımaq mümkünsüz. İllah da etnik təmizləmə nəticəsində monoetnik ölkəyə çevrilmiş Ermənistanın həyasızcasına qonşusunu törətmədiyi “soyqırımı”, “etnik təmizləmə” kimi bəşəriyyət əleyhinə cinayətlərdə ittiham eləməsi... (musavat.com)

Xəbərin oxunma sayı : 871