"Daily Mirror": "Liverpul" axtardığı müdafiəçini Portuqaliyada tapıb. Klub skautlarını "Sportinq"un mərkəz müdafiəçisi Qonsalo İnasiunu izləməyə göndərib. "Portu" ilə matçda (1:2) əsas heyətdə meydana çıxan 21 yaşlı futbolçu 90 dəqiqə mübarizə aparıb.

İstedadlı oyunçu Portuqaliya çempionatında iştirak etdiyi 19 matçda 1578 dəqiqə çıxış edib. 

"Le Parisien": PSJ Neymardan qurtulmaq üçün hər təklifi açıqdır. Braziliyalı ulduz klubu hətta pulsuz tərk edə bilər. Belə ki, Paris təmsilçisi artıq ona ildə 36 milyon avro ödəmək istəmir. Klub rəhbərliyini futbolçunun xasiyyəti qane etmir  və heyətdə neqativ imic formalaşdıran oyunçunun olmasını istəmirlər. Elə bu səbəbdən də PSJ prezidenti Nasser Əl-Xələfi Neymara elçi düşən "Çelsi"nin sahibi Todd Boeli ilə görüşüb. 

Qeyd edək ki, Neymarın Fransa klubu ilə müqaviləsi 2027-ci ilin yayında başa çatır. 31 yaşlı forvard carı mövsüm meydana çıxdığı 28 matçda 17 qol vurub və 16 məhsuldar ötürmə edib.