AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Hansı məhsulların idxalı azalıb? - Siyahı


Tarix 13.07.24, 10:03	Font ölçüsü : - / +

2024-cü ilin yanvar-may aylarında Azərbaycan Respublikasının hüquqi və fiziki şəxsləri dünyanın 164 ölkəsindəki tərəfdaşları ilə ticarət əməliyyatları həyata keçirib.

AzFakt.com Dövlət Statistika Komitəsinə (DSK) istinadən xəbər verir ki, 104 ölkəyə məhsul ixrac olunub, 154 ölkədən idxal olunub.

2024-cü ilin yanvar-may aylarında ölkənin xarici ticarət dövriyyəsi 18225,4 milyon ABŞ dolları təşkil edib. Ticarət dövriyyəsinin 10924,7 milyon dollarını və ya 59,9 faizini ölkədən ixrac olunmuş məhsulların, 7300,7 milyon dollarını (40,1 faizini) isə idxal məhsullarının dəyəri təşkil edib, nəticədə 3624,0 milyon dollar məbləğində müsbət saldo yaranıb.

2023-cü ilin yanvar-may ayları ilə müqayisədə xarici ticarət dövriyyəsi faktiki qiymətlərlə 9,9 faiz, real ifadədə 7,6 faiz, o cümlədən idxal 7,8 faiz, ixrac isə 7,6 faiz azalıb. 2024-cü ilin yanvar-may aylarında qeyri neft-qaz məhsullarının ixracı əvvəlki ilin eyni dövrü ilə müqayisədə faktiki qiymətlərlə 14,0 faiz, real ifadədə 22,5 faiz azalaraq 1260,9 milyon dollar təşkil edib.

Ölkənin xarici ticarət dövriyyəsinin 23,9 faizi İtaliya, 13,9 faizi Türkiyə, 9,4 faizi Rusiya, 7,2 faizi Çin, 5,0 faizi İsrail, 3,6 faizi Hindistan, 3,4 faizi Almaniya, 2,4 faizi Avstraliya, 2,0 faizi Çexiya, hər biri 1,8 faiz olmaqla ABŞ və Yunanıstan, hər biri 1,5 faiz olmaqla Gürcüstan və Xorvatiya, hər biri 1,3 faiz olmaqla Bolqarıstan, Rumıniya, İran, Tailand və Portuqaliya, hər biri 1,1 faiz olmaqla Türkmənistan və Ukrayna, hər biri 0,9 faiz olmaqla Koreya, Belarus və Tunis, 11,2 faizi isə digər ölkələr ilə aparılmış ticarət əməliyyatlarının payına düşüb.

İxracın 38,0 faizini İtaliyaya, 14,8 faizini Türkiyəyə, 8,2 faizini İsrailə, 5,1 faizini Hindistana, 3,9 faizini Rusiyaya, 3,1 faizini Çexiyaya, hər biri 2,8 faiz olmaqla Almaniya və Yunanıstana, 2,5 faizini Xorvatiyaya, 2,2 faizini Gürcüstana, 2,1 faizini Bolqarıstana, hər biri 2,0 faiz olmaqla Portuqaliya və Rumıniyaya, 1,8 faizini Tailanda, 1,5 faizini Tunisə, 0,9 faizini ABŞ-a, 0,7 faizini Ukraynaya, hər biri 0,6 faiz olmaqla Niderland və Polşaya, hər biri 0,5 faiz olmaqla Fransa və İndoneziyaya, hər biri 0,4 faiz olmaqla İspaniya və İsveçrəyə, 2,6 faizini isə digər ölkələrə göndərilmiş məhsulların dəyəri təşkil etmişdir. Qeyri neft-qaz məhsulları üzrə ixracın dəyərində Rusiyaya (33,9 faiz), Türkiyəyə (21,0 faiz), Gürcüstana (7,6 faiz), ABŞ-a (7,6 faiz), İsveçrəyə (3,8 faiz), Ukraynaya (3,2 faiz), Türkmənistana (2,5 faiz), Qırğızıstana (1,8 faiz), Qazaxıstana (1,7 faiz), Birləşmiş Ərəb Əmirliklərinə (1,5 faiz), Almaniyaya (1,3 faiz), Belçikaya (1,2 faiz), Belarusa (1,2 faiz), İtaliyaya (1,1 faiz) göndərilmiş malların payı üstünlük təşkil edib.

Ölkəyə idxal olunmuş məhsulların ümumi dəyərinin 18,1 faizi Çin, 17,8 faizi Rusiya, 12,6 faizi Türkiyə, 6,1 faizi Avstraliya, 4,4 faizi Almaniya, hər biri 3,2 faiz olmaqla ABŞ və İran, 2,5 faizi İtaliya, 2,4 faizi Koreya, 2,3 faizi Türkmənistan, 2,2 faizi Belarus, 2,1 faizi Kanada, 1,7 faizi Ukrayna, 1,6 faizi Yaponiya, 1,5 faizi Birləşmiş Krallıq, 1,3 faizi Fransa, hər biri 1,2 faiz olmaqla Hindistan və Qazaxıstan, 14,6 faizi isə digər ölkələr ilə aparılmış idxal əməliyyatlarının payına düşüb.

2024-cü ilin yanvar-may aylarında əvvəlki ilin eyni dövrü ilə müqayisədə mühüm məhsul növlərindən təzə meyvə ixracı 13,9 faiz, tütün – 3,4 dəfə, meyvə və tərəvəz şirələri 3 – 17,9 faiz, meyvə və tərəvəz konservləri – 12,3 faiz, bitki yağları – 4,6 dəfə, marqarin, qida üçün yararlı digər qarışıqlar – 2,6 dəfə, çay – 4,7 faiz, pambıq lifi – 2,4 dəfə, mineral gübrələr – 2,0 dəfə, qara metallardan çubuqlar – 6,4 faiz, bentonit gili – 5,3 faiz artıb, təzə tərəvəz ixracı isə 1,3 faiz, kartof – 35,1 faiz, şəkər – 29,4 faiz, təbii üzüm şərabları və üzüm suslosu – 21,8 faiz, polipropilen – 29,3 faiz, polietilen – 17,0 faiz, elektrik enerjisi – 67,8 faiz, emal olunmamış alüminium – 32,3 faiz, sement klinkerləri – 4,3 faiz, pambıq ipliyi – 35,5 faiz, qara metallardan borular – 39,1 faiz azalıb.

2023-cü ilin yanvar-may ayları ilə müqayisədə 2024-cü ilin yanvar-may aylarında təzə meyvə idxalı 35,9 faiz, bitki yağları – 19,0 faiz, şokolad və şokolad məhsulları – 22,4 faiz, kərə yağı, digər süd yağları və pastaları – 38,9 faiz, unlu qənnadı məmulatları – 20,4 faiz, quş əti və onun əlavə məhsulları – 17,3 faiz, mal əti – 95,9 faiz, təzə tərəvəz – 69,3 faiz, qara metallardan borular – 62,2 faiz, hesablama maşınları, blok və qurğuları – 22,8 faiz, yük avtomobilləri – 26,7 faiz, sintetik yuyucu vasitələr – 1,5 faiz, məişət kondisionerləri – 61,0 faiz, mineral gübrələr – 95,8 faiz, qara metallardan çubuqlar – 35,0 faiz, mebellər – 73,8 faiz, paltaryuyan maşınlar – 11,1 faiz, polipropilen – 26,4 faiz, avtobuslar – 60,7 faiz artıb, buğda idxalı isə 27,0 faiz, xam şəkər – 28,2 faiz, çay – 4,7 faiz, kartof – 5,1 faiz, siqaretlər – 54,3 faiz, minik avtomobilləri – 14,5 faiz, dərman vasitələri – 23,7 faiz, polad prokatı – 9,3 faiz, rezin şinlər – 23,4 faiz, polietilen – 15,8 faiz, məişət soyuducuları – 4,2 faiz, sement – 9,4 faiz azalıb.

Xəbərin oxunma sayı : 976