AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Məhkəmədə gərginlik: “15 ildir hakiməm, mənə şərt qoymayın“


Tarix 10.07.24, 22:17	Font ölçüsü : - / +

Talassemiyalı uşaqların müalicəsi üçün yığılmış pulları ələ keçirməkdə ittiham olunan şirkət rəhbəri Nuridə Seyidova və onun işçiləri Aynur Bayramova ilə Aysel Məmmədovanın məhkəməsi davam edir.

"Qafqazinfo”nun məlumatına görə, Bakı Ağır Cinayətlər Məhkəməsində keçirilən bugünkü iclasda iş üzrə əsas fiqur - Nuridə Seyidova tərəflərin suallarını cavablandırıb.

Xanım müttəhim deyib ki, həbsdən buraxılarsa, zərərçəkmişlərə dəymiş ziyanı ödəməyə başlayar. Seyidovanın məhkəməyə şərt qoyması prosesə sədrlik edən hakim Azad Məcidovun xoşuna gəlməyib.

"Mənə şərt qoyursunuz ki, sizi buraxım, gedib ziyanın ödənilməsi üçün iş görəsiniz?! 15 ildir hakiməm, iki gündür işə baxmıram. Əvvəllər burada elə bir işə baxırdıq ki, 11 milyon ziyan vardı... Həmin təqsirləndirilən də deyirdi ki, məni 2 günlük buraxın, gedim Dubayda bankdan pullarımı götürüm gəlim. Mənə şərt qoymayın, işin mahiyyətindən danışın, görək kimin vasitəsilə bu işə cəlb olunmusunuz, xəstələri haradan tapırdınız?”, - hakim cavab verib.

Hakim əlavə edib ki, talassemiyalı xəstələrin əməliyyatı üçün donorun tapılması çətin prosesdir. Həm də donor külli miqdarda pul tələb edə bilər. A.Məcidov Seyidovadan talassemiya xəstəliyi və onun müalicəsi haqqında məlumatı olub-olmadığını soruşub.

"Bu işləri araşdırmağı Aynur Bayramovaya həvalə eləmişdim. Çünki o, Talassemiya Mərkəzində işləyirdi”, - deyə Seyidova cavab verib.

Prosesin davamında zərərçəkmişlərdən Sahid Mövsümov bu cinayət işində adı keçən talassemiyalı xəstələrdən biri-12 yaşlı uşağın iki gün əvvəl vəfat etdiyini bəyan edib. Zərərçəkmiş bu məsələnin araşdırılmasını xahiş edib: "Bu, faciədir. Səhiyyə Nazirliyinə sorğu göndərilməlidir. Bilinsin ki, onların qan nümunələri oradan götürülüb, Türkiyəyə aparılaraq laboratoriyadan keçirilib. Çünki Talassemiya Mərkəzi qapalı müəssisədir. Bu adamların orada qeydiyyatda olan xəstələrin siyahısına necə əlləri çatıb? Bu məsələlər mütləq araşdırılmalıdır. Bundan əlavə, işdə 1 milyon manata yaxın ziyan var. Bu pullar hara gedib? İşin kökünü araşdırmaq lazımdır”.

Nuridə Seyidova etiraf edib ki, xəstələri digər iki təqsirləndirilən - Aynur Bayramova və Aysel Məmmədova cəlb edib. Qeyd edib ki, onlar cəlb olunan xəstələrdən təxminən 30 nəfərin müalicəsinə köməklik göstəriblər.

N.Seyidova sonda onu da qeyd edib ki, anasına məxsus evi sataraq pulu zərərçəkmişlərə ziyanın ödənilməsinə xərcləyib. Amma o, satılmış evin hansı ünvanda yerləşdiyini, satışdan əldə olunan vəsaitin hansı zərərçəkmişlərə ödənilməsi haqda suallara "xatırlamıram” deyə cavab verib.

"Siz bu işdə əsas adamlardan birisiniz. "Bilmirəm”, "xatırlamıram” kimi cavablarla kifayətlənmək olmaz. Zərərçəkmişlərə demisiniz ki, beynəlxalq təşkilatlar vəsait köçürəcək, əməliyyatlara yardım edəcək. Konkret olaraq hansı təşkilatlardır? Onları demək lazımdır”, - hakim əlavə edib.

Prosesi iyulun 24-də davam edəcək.

İttihama görə, "Urmedhelp” və "My Doc Tour” adlı şirkətlərin sahibi N. Seyidova A. Bayramova və A. Məmmədova ilə cinayətkar əlaqəyə girib. Onlar 36 nəfər talassemiya xəstəsinin valideynlərinin etibarından sui-istifadə edərək həmin şəxslərin övladlarını Türkiyədə müalicə etdirmək adı ilə 1 milyon manata yaxın pullarını ələ keçiriblər.

Xanım müttəhimlərə qarşı Cinayət Məcəlləsinin 178.4-cü (dələduzluq-xüsusilə külli miqdarda ziyan vurmaqla törədildikdə) maddəsi ilə ittiham verilib. Hər üç xanım müttəhim həbsdədir.

Xəbərin oxunma sayı : 847