AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Milli Qəhrəman Şükür Həmidovla bağlı maraqlı faktlar - VİDEO


Tarix 27.10.21, 23:28	Font ölçüsü : - / +

Düşməni çaşbaş salan, Azərbaycan zabitinin mərdliyini, ordumuzun gücünü göstərən Lələtəpə fatehi Milli Qəhrəman, Azərbaycan Silahlı Qüvvələrinin polkovniki Şükür Həmidov!

Özü kimi neçə-neçə vətənpərvər gənclərin yetişməsində misilsiz xidmətləri olan, torpağı canından çox sevən, ölümün üzərinə yeriyib Qarabağı düşmən tapdağından azad edən, doğma Qubadlısına 27 ildən sonra nəfəs verən Milli Qəhrəman.

Milli.Az xatırladır ki, doğma yurdunun işğaldan azad edilməsi əməliyyatları zamanı şəhid olan qəhrəmanlarımızdan biri də Milli Qəhrəman Şükür Həmidovdur.

Vətənini hər şeydən çox sevirdi Şükür Həmidov. Bu sevgi ilə o, 44 günlük Vətən müharibəsinin ən önündə gedirdi. Aprel döyüşlərində ermənilərə birinci zərbəni vuran Ş.Həmidova göstərdiyi şücaətə görə vaxtından əvvəl polkovnik hərbi rütbəsi verilib. O, Azərbaycan Respublikası Prezidentinin 22 aprel 2016-cı il tarixli sərəncamı ilə Azərbaycanın Milli Qəhrəmanı adına layiq görülüb.

Şükür Həmidov sentyabrın 27-də düşmən səngərinə girdi, ermənilərin illərlə qurduğu, bütün dünyaya nümayiş etdirdiyi müdafiə xətlərini yardı, yeraltı sığınacaqlarını onların başına uçurdu, Ohanyan mifini darmadağın etdi.

Ş.Həmidov müharibənin ilk günündən düşmənin iki istiqamətdə mövqelərini ələ keçirir. Cəbrayıl, Füzuli, Qubadlı istiqamətində hücumları davam etdirir. O, yalnız irəli komandası verirdi. Qorxaqcasına silahını atıb qaçan düşməni gənc əsgərlərinə göstərib, ermənilərin əsl simasını nümayiş etdirirdi. Silahdaşlarına "Aslanlarım, irəli" deyirdi. Milli Qəhrəman Şükür Həmidovun hansısa istiqamətdə döyüşməsi həmin yerdə olan əsgər və zabitlər arasında ruh yüksəkliyi yaradırdı. Çünki onun qarşısında heç kəs dayana bilməzdi.

Mərdliyi ilə gənclərə örnək olan əfsanəvi Milli Qəhrəmanımızın ən böyük arzusu işğal altındakı torpaqlarımızı azad görmək və dədə-baba yurdu olan Qubadlıda şanlı bayrağımızı ucaltmaq idi. O, Cəbrayıldan sonra doğulub-böyüdüyü Qubadlının azad edilməsi uğrunda döyüşlərə qatılır. Doğma kəndi olan Armudluğu azad etmək üçün səbirsizlənir. Qubadlıda qolundan yaralanan Milli Qəhrəman buna baxmayaraq düşmənə ağır zərbələr endirir. Döyüş yoldaşları ona özünü qorumağı tapşırsalar da, Şükür Həmidov Vətən sağ olsun deyərək döyüşlərə davam edir. O, düşmən işğalından azad etdikləri hakim yüksəklikdə dayanaraq Qubadlıya tamaşa edir, doğma yurdunun havasını ciyərlərinə çəkir. Oktyabrın 22-də elə Qubadlının havası ilə son nəfəsini verir, şəhadət zirvəsinə ucalır.

Milli Qəhrəmanımızın atası Nəriman Həmidov bildirir ki, sonuncu dəfə oğlu 19 oktyabrda zəng edib və deyib ki, sabah bəlkə siz tərəfə getdik. Nəriman ata isə tapşırır ki, kəndimizə çatanda Novlu bulaqdan su içərsən. O, isə bunun hələ tez olduğunu bildirir. Şükür Həmidov Qubadlı torpağını qucaqlasa da, həmin bulaqdan su içə bilmədi.

Milli Qəhrəmanımız həmişə deyirmiş ki, bayrağımız bir gün mütləq Şuşa qalasında dalğalanacaq. Düşmən sipərini yaran, müqavimətini qıran, Şuşaya gedən yolu açanların ən önündə olan, qələbəmizi təmin edən Milli Qəhrəmanımız İkinci Qarabağ savaşında göstərdiyi misilsiz qəhrəmanlıqla bu arzusunu reallaşdırdı. Şükür Həmidovun silahdaşları, onun döyüş yolunu özünə örnək seçən Azərbaycanın mərd oğulları, neçə-neçə Şükür Həmidovlar Şuşada bayrağımızı dalğalandırdı. Şəhadəti ilə milyonların qəlbində taxt qurdu.

Prezident İlham Əliyevin sərəncamı ilə Ş.Həmidov ölümündən sonra "Zəfər" ordeni, "Vətən uğrunda", "Füzulinin azad olunmasına görə", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib. (publika.az)

Xəbərin oxunma sayı : 1636