Bu sözləri Xalq artisti Röya Ayxan “Səhər mərkəzi” verilişində deyib. Sənətçi pandemiyada boş vaxtlarını dostları ilə keçirdiyini bildirib:

“7-8 dostuq. Əvvəlcədən danışırıq, hər həftə birinin evində yığışırıq. Əvvəllər hər səhər durub gedəcəyim yerə nə geyinəcəyimi düşünürdüm. Həyəcan keçirirdim. Artıq evdə olmağa öyrəşdim. Bayramlarda konsert verməyi təklif edirlər.

Amma qəbul etmirəm. Artıq söz eşitmək, kiməsə problem yaratmaq istəmirəm. Tənbəlləşmişəm. Qorxuram pandemiyadan sonra toya, konsertə getməyim. Pandemiyaya görə 4 günlük konsertim təxirə salındı. Karantindən sonra 10 gün konsert etmək istəyirəm. 2 gün Vətən müharibəsində iştirak edənlərin ailələri, qazilər üçün konsert verməyi planlayıram”.