AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Əri Rusiyada olan qadın tanış olduğu kişi ilə saunada görüşdü – Döyüldü və zorlandı


Tarix 20.05.21, 10:47	Font ölçüsü : - / +

Bakıda 1989-cu il təvəllüdlü Aqşin Ağayev sosial şəbəkədə tanış olduğu qıza qarşı seksual xarakterli hərəkətlər edib.

AzFakt.com “teleqraf.com”a istinadən xəbər verir ki, Aqşin 2020-ci ilin fevralın əvvəllərində sosial şəbəkəsində “Qara” ləqəbindən istifadə edərək yaratdığı profil vasitəsi ilə yazışma apararaq Samirə (ad şərti verilib – red.) ilə tanış olub. Samirə ona istifadəsində olan nömrəsini verib.

Aqşin də özünün “WhatsApp” proqramından Samirə ilə yazışaraq şəklini göndərib. Samirə Aqşinin xarici görkəmini bəyənməyib və onu rədd edib.

Buna baxmayaraq Aqşin Samirə ilə cinsi əlaqəyə girmək məqsədi ilə başqa şəxsə aid şəkildən və “Gecə Kabusu” ləqəbindən istifadə edərək yeni profil yaradıb, Samirə ilə yazışıb. O, başqa nömrənin “WhatsApp” proqramı ilə Samirəyə yazaraq onu görüşməyə razı salıb.

Samirə Aqşinin dəvəti ilə Xətai rayonundakı idman-sağlamlıq mərkəzinin 2-ci mərtəbəsində yerləşən istirahət otağına gəlib. O, tanış olduğu kişinin “Qara” ləqəbli şəxs olduğunu görüb və aldandığını başa düşərək getmək istəyib.

Zorlama və seksual hərəkətlər

Amma Aqşin zorla cinsi əlaqədə olmaq və seksual xarakterli digər zorakılıq hərəkətləri etmək məqsədi ilə Samirəni vurub, ona xəsarət yetirib.

Qadının müqavimətini qırıb, əynindəki paltarını zorla soyunduraraq otaqda olan çarpayının üzərinə yıxıb. O, zorla Samirə ilə cinsi əlaqədə olub.

Aqşin cinsi ehtirasını daha pozğun formada təmin etmək üçün Samirəni yenidən vuraraq qeyri-təbii və oral yollarla cinsi əlaqədə olub, ona qarşı seksual xarakterli zorakılıq hərəkətləri edib.

İstintaq orqanı tərəfindən Aqşinin barəsində Cinayət Məcəlləsinin 149.1-ci (zorlama) və 150.1-ci (zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham elan edilib.

“Başqa şəxsin şəkillərini göndərməmişəm”

Aqşin ona qarşı elan olunmuş ittiham üzrə özünü təqsirli bilməyib. İfadəsində göstərib ki, “can.az” adlı sosial şəbəkədə çatda Samirə ilə tanış olub:

“Bir müddət çatda danışdıqdan sonra bir-birimizə mobil nömrələrimizi verdik və şəkillərimizi göndərdik. Samirəyə başqa şəxsin şəkillərini göndərməmişəm.

Görüş barədə qərarlaşdıq və Samirə göndərdiyim xüsusi taksi maşını ilə Nobel prospektində “Elektrotok” deyilən ərazinin yaxınlığında sağlamlıq-hamam mərkəzinə gəldi.

Həmin sağlamlıq-hamam mərkəzi yaşadığım yerə yaxın idi deyə oranın necə yer olması barədə məlumatım vardı. Ona görə də həmin yerdə görüşmək qərarına gəldim”.

“Qeyri-adi heç nə yoxdur”

Aqşinin sözlərinə görə, Samirənin də gəldiyi yerin hamam-sauna mərkəzi olması barədə məlumatı olub: “Samirə özü könüllü şəkildə həmin yerə gəlib.

Hamam-sauna mərkəzində Samirəyə qarşı hər hansı zorakılıq göstərilməyib. Onunla yalnız təbii yolla cinsi əlaqədə olmuşam. Məqsədimiz sadəcə görüşmək idi, başqa hərəkətlərə yol verməyi düşünməmişəm. Bütün bunlar da qarşılıqlı razılıq əsasında olub.

Oradan çıxdıqdan sonra Samirəni öz xahişi əsasında sifarişli taksi ilə göz klinikasına apardım. Samirə ilə “WhatsApp”da yazışmalarımız yalan deyil və normal danışıqdır. Həmin yazışmalarda qeyri-adi heç nə yoxdur”.

“Məni bəyənmədi”

İbtidai istintaq zamanı ifadə verən Aqşin bildirib ki, Biləsuvar rayonunda doğulub: “2008-ci ildə bibim qızı ilə rəsmi nikaha daxil olaraq evləndim. Birgə nikahdan 2010-cu ildə qızım doğuldu. 2013-cü ildə arvadımdan boşandım və məhkəmənin qərarına əsasən qızım arvadımla qaldı.

Əvvəllər ofisiant və mağazalarda satıcı işləmişəm. Hazırda heç bir yerdə işləmirəm, hərdən fəhləlik edirəm.

“Can.az” adlı sosial şöbəkəsində çatda Samirə adlı qadınla tanış oldum. Bir müddət çatda danışdıqdan sonra bir-birimizə mobil nömrələrimizi verdik. Samirə ailəli və 2 uşaq anası olduğunu, lakin xoşbəxt yaşamadığını, sadəcə uşaqlarına görə ailə həyatına dözdüyünü dedi.

Samirə ilə bir-birimizə öz şəkillərimizi göndərdik. Samirə şəklimi gördükdən sonra məni bəyənmədi, mənimlə danışmayacağını bildirdi. İsrar etsəm də, danışmayacağını söylədi”.

“Otağı iki saatlıq götürdüm”

Aqşinin ifadəsinə görə, bundan sonra internetdən tanımadığı oğlanın şəkillərini götürüb və yeni adla çatda Samirəyə yazıb:

“Bir həftə danışdıqdan sonra Samirə ilə görüşmək barədə qərarlaşdıq. Həmin gün saat 12 radələrində metro ilə “Həzi Aslanov” metrostansiyasına gəldim.

Orada Vüqar adlı tanış taksi sürücüsünün nömrəsinə zəng vurdum, görüşərək onun “Mercedes” markalı maşınına mindim və Nobel prospektində “Elektrotok” deyilən ərazinin yaxınlığında sağlamlıq-hamam mərkəzinə gəldim.

Әvvəllər də bir-iki dəfə orada olmuşam. Həmin yerin yaxşı saunası və hovuzu olduğundan orada saunadan istifadə etmişəm.

Orada yemək otaqlarının olduğunu da görmüşəm. Bu səbəbdən Samirə ilə orada görüşmək qərarına gəldik.

Taksidən düşdükdə Vüqardan saat 12.30-da “Həzi Aslanov” metrosundan bir nəfər Samirə adlı qadını götürərək gətirməsini xahiş etdim. Samirənin telefon nömrəsini Vüqara verdim. Mərkəzdə işləyən inzibatçı kişi mənə 4-cü otağı verdi. Ödəniş edərək həmin otağı iki saatlıq götürdüm”.

“Üç dəfə cinsi əlaqədə olduq”

Aqşin qeyd edib ki, Samirə saat 12.30-da “Həzi Aslanov” metrostansiyasının yanına gəlib və ona xəbər edib: “Vüqara zəng etdim, Samirəni gətirməyi tapşırdım. Təxminən 15 dəqiqə sonra Samirə çatdığını dedi. Ona 4-cü otağa qalxmalı olduğunu və qapını açıq saxladığımı dedim. Samirə otağa daxil oldu, məni gördü.

Bildirdi ki, məni nə üçün aldatmısan, mən axı sənlə danışmaq istəməmişdim.

O, məni söydü. Əsəbiləşərək şillə ilə Samirəni vurdum, onun sol gözünə cızıq düşdü. 15-20 dəqiqə sakit oturduqdan sonra könlünü almaq üçün yaxınlaşaraq Samirəni öpdüm.

“Mənimlə cinsi əlaqədə olmaq istəyirsənsə, ol, gedim” dedi. Samirəyə soyunmağını dedim. O da bütün paltlarlarını çıxartdı, otaqda çarpayının üstündə cinsi əlaqədə olduq. Samirənin razılığı ilə üç dəfə cinsi əlaqədə olduq”.

Aqşin deyib ki, bundan sonra Samirə ilə Zərifə Әliyeva adına göz klinikasının qarşısına gəlib: “Orada Samirəni yola saldım. Özüm isə “Azadlıq” metrosunun yanına gələrək avtobusla Gorədil kəndinə getdim. Sonradan Samirə ilə heç nə danışmadım.

Bir gün sonra Samirə mənə yazaraq gözünün müalicəsi üçün 50 manat pul istədi. Ona dərmanların pulunu görüşərək verəcəyimi dedim.

Samirəyə “Azadlıq” metrostansiyasına, oradan isə Goradil qəsəbəsinə gəlməli olduğunu dedim. Saat 13 radələrində Samirəni gözlədiyim vaxt polis əməkdaşları mənə yaxınlaşdı, Xətai rayon Polis İdarəsinə getmək lazım olduğunu və Samirə adlı şəxsin məndən şikayət etdiyini bildirdilər”.

“Ərimin Rusiyada olduğunu demədim”

Cinayət işi üzrə zərərçəkmiş şəxs qismində ifadə verən Samirə bildirib ki, 2020-ci ilin fevralın əvvəlləri “can.az” saytında “Qara” ləqəbli bir oğlanla tanış olub:

“Bir qədər həmin çatda yazışaraq danışdıqdan sonra istifadəmdəki nömrəni oğlana, o da öz nömrəsini mənə verdi. Biz “WhatsApp” proqramı vasitəsi ilə yazışaraq aradabir danışdıq.

Həmin oğlanın adını soruşmasam da, ona adımın Aynur olduğunu, 2 uşağımın olduğunu dedim. Amma ərimin Rusiyada olduğunu demədim. Sonradan şəkillərimizi bir-birimizə göndərdik və oğlanın xarici görkəmini bəyənmədiyimdən onunla danışmayacağımı dedim”.

“Oğlandan xoşum gəldi”

Zərərçəkmişin ifadəsinə görə, təxminən 3-4 gün keçdikdən sonra “can.az” saytında “Gecə Kabusu” ləqəbi ilə bir oğlan ona yazaraq əvvəllər danışdıqlarını, nömrəni ona özünün verdiyini bildirib: “Şəkillərinə baxdıqda onu tanımadım. Lakin məni əvvəllər tanış olduğumuza inandıraraq “WhatsApp”a yazdı. Onun adını soruşmadım.

Təxminən 3-4 gün “WhatsApp”da danışdıqdan sonra oğlan mənə görüşməyi təklif etdi. Xidməti maşında sürücü işlədiyini, hər dəfə işdən çıxa bilmədiyini deyərək ailəvi istirahət mərkəzində sadəcə görüşüb çay içməyi təklif etdi.

Ancaq həmin mərkəzin harada olduğunu demədi. Şəkillərinə baxdıqda həmin oğlandan xoşum gəldi. Görüşməyə razılıq verdim”.

“Zorla cinsi əlaqədə oldu”

Samirə qeyd edib ki, oğlanın təklifinə əsasən həmin tarixdə saat təxminən 12.30-12.40-da “Həzi Aslanov” metrostansiyasının qarşısına gəlib:

“Vüqar adlı taksi sürücüsü zəng etdim və “Nobel” prospektində əvvəllər tanımadığım böyük bir həyətə gəldik. Taksidən düşərək oğlanın telefonda dediyi 2-ci mərtəbəyə qalxdım. Orada heç kimi görmədim, 4-cü otağa qalxdıqda qapının açıq olduğunu gördüm. İçəri girdim.

Həmin otaqda heç kim yox idi. İçəridəki 2-ci otağa keçdikdə isə “Qara” ləqəbi ilə tanıdığım oğlan oradan çıxdı və mənə sürpriz etdiyini bildirdi. 2-ci otaqda çarpayı da vardı. Oğlan “sən məni bəyənmədin, indi gör adama nə edirlər” deyərək çarpayı olan otağın qapısını örtdü və mənə hədiyyə aldığını bildirdi.

Ona heç bir hədiyyə istəmədiyimi bildirdim, niyə məni aldatdığını soruşdum. Oğlan mənə “adamın daxilini sevərlər, xarici görünüşünü yox” dedi. Getmək istədiyimi bildirdikdə oğlan mənə “soyun, 3 dəqiqə vaxtın var” – deyərək soyunmağımı tələb etdi. İmtina etdikdə oğlan şillə ilə sol gözümdən vurdu. Soyunsam da alt paltarımı çıxarmadım.

Oğlan zorla məni soyundurdu. Bir dəfə də üzümdən şillə vuraraq çarpayının üstünə yıxdı, zorla təbii yolla cinsi əlaqədə oldu”.

“Mənə qarşı əxlaqsız hərəkətlər etdi”

Zərərçəkmiş qadın daha sonra ifadəsində baş verənləri belə danışıb:

“Oğlan cinsi aktı başa çatdırdıqdan sonra “mən nə vaxt desəm onda gedəcəksən” dedi, hamamda yuyunaraq gəlməyimi və onunla öz xoşuma cinsi əlaqədə olmağımı tələb etdi. Bundan imtina etdim. Lakin oğlan sinəmdən vuraraq mənimlə qeyri-təbii yola cinsi əlaqədə oldu. Bu qaydada mənimlə cinsi əlaqədə olduqdan sonra “gördün səni nə günə qoydum” dedi.

Növbəti dəfə yuyunaraq gəldikdən sonra məni çarpayıda arxası üstə uzatdı, mənə qarşı əxlaqsız hərəkətlər etməyə başladı. Bundan sonra mənə “dur indi geyin, gedə bilərsən” dedi.

Biz saat 15.30-da oradan çıxaraq yoldan keçən taksiyə mindik. Mən Zərifə Әliyeva adına göz klinikasına, oğlan isə “Azadlıq” metrostansiyasına gedəcəyini bildirdi. Taksini klinikaya sürdürdü və biz orada ayrıldıq”.

Samirənin ifadəsinə görə, həmin gün gecə oğlan ona “WhatsApp”da yazaraq “necəsən?” deyə soruşub:

“Mən oğlana zorlama ilə əlaqədar iradımı bildirdim, ağrıdığımı yazdım. Oğlan isə mənə “yaxşı eləmişəm, adamın xarici görkəmini yox, daxilini sevəcəksən” yazaraq onunla mütəmadi görüşməyimi tələb etdi. Növbəti gün Xətai rayon Polis İdarəsinə gedərək şikayət ərizəsi yazdım.

Polis əməkdaşının tapşırığına əsasən həmin oğlana “WhatsApp” proqramında gözümdən və qabırğamdan aldığım xəsarətlərə görə həkimə getməli olduğumu, pula ehtiyacım olduğunu yazdım.

İki gün yazışdıqdan sonra oğlan mənimlə görüşüb, pul verməyə razı oldu. Biz görüşdüyümüz vaxt polislər oğlanı tutdu”.

Bu cinayət işinə Bakı Ağır Cinayətlər Məhkəməsində baxılıb. Aqşin 8 il müddətinə azadlıqdan məhrum edilib.

Hökmdən narazı qalan Aqşin apelyasiya şikayəti verib. O, şikayətində günahsız olduğunu, barəsində bəraət hökmünün çıxarılmasını istəyib.

Aqşinin şikayəti araşdırılması üçün Bakı Apellyasiya Məhkəməsinə göndərilib. Hakim Əmir Bayramovun sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan edilib.

Aqşinin verdiyi şikayət təmin olunmayıb.

Xəbərin oxunma sayı : 874