AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

İlqam Hacıyev hansı azərbaycanlı “qanuni oğru“nu öldürtmək istəyirmiş? - DETALLAR


Tarix 19.11.21, 17:13	Font ölçüsü : - / +

Türkiyədə həbs edilən azərbaycanlı "qanuni oğru” İlqam Hacıyev (İlqam Bolniski) vaxtilə başqa bir azərbaycanlı "qanuni oğru”ya qarşı sui-qəsdin təşkilatçısı olduğuna görə məsuliyyətə cəlb olunub.

Qaynarinfo xəbər verir ki, söhbət bu ilin aprelində Rusiyanın paytaxtı Moskvada qətlə yetirilən Əli Heydərova (Albert Rıjı) qarşı 2014-cü ildə baş tutmayan sui-qəsddən gedir.

Məlumata görə, sui-qəsdin təşkilatçısı "İlqam Bolnski" olub. O, 80 min dollar müqabilində Ruslan Koryagin və Aleksey Şparut adlı killerlərə "Albert Rıjı"nı öldürməyi sifariş edib. 2014-cü ilin martında "İlqam Bolnski" "Rusiya” mehmanxasının nəzdində fəaliyyət göstərən "Yakitoriya” restoranında "Albert Rıjı"nın fotosunu Ruslan Koryaginə və Aleksey Şparuta göstərib. Həmçinin Əli Heydərovun avtomobilinin nömrəsini və yaşadığı evin ünvanını onlara təqdim edib.

Koryagin və Şparut Əli Heydərovun yaşadığı ünvana gəliblər. Plana görə "qanuni oğru” evdən çıxıb avtomobilinə minərkən güllələnməli idi. Lakin killerlər məqsədinə nail ola bilməyib. Hüquq-mühafizə orqanları onları elə hadisə yerində yaxalayıb. Bir müddət sonra "İlqam Bolnski" Moskvada yaşadığı evində saxlanılıb. Əməliyyat zamanı hüquq-mühafizə orqanlarına müqavimət göstərən "qanuni oğru” ayağından yaralanıb. O saxlanıldıqdan sonra Sankt-Peterburqdakı həbsxanaya etap olunub. Orada isə müalicə müəssisəsinə yerləşdirilib.

Sankt-Peterburqun Moskva Rayon Məhkəməsi isə sui-qəsd ittihamına görə, hər üç şəxsə bəraət verib. "İlqam Bolnski" məhkəmə zalından azadlığa buraxılıb. Koryagin və Şparut isə qanunsuz silah saxlamaya görə mühakimə edilib. Lakin Sankt-Peterburq Şəhər Məhkəməsi bu qərarı ləğv edərək işi yenidən birinci instansiyaya qaytarıb. 2016-cı ildə Moskva Rayon Məhkəməsi "İlqam Bolnski", Koryagin və Şparutu "Albert Rıjı"ya sui-qəsd cəhdinə görə təqsirli bilib. Onlar 6 və 6.5 il müddətinə azadlıqdan məhrum edilib. "İlqam Bolnski" isə axtarışa verilib. Onu bu ittihama görə 8.5 il həbs cəzası gözləyir.

"İlqam Bolnski"nin "Albert Rıjı"nı öldürmək istəməsinin səbəbi ikincinin 2020-ci ildə qətlə yetirilən "Lotu Quli"yə qarşı çıxması ilə bağlı olub. "İlqam Bolnski" "Lotu Quli"nin çevrəsinə daxil olan "qanuni oğru”lardandır. Yeri gəlmişkən, Əli Heydərov bundan əvvəl də "Lotu Quli"nin adamları ilə üz-üzə gəlib.

Bu arada məlumat yayılıb ki, həbsdən çıxan "qanuni oğur” Ülfət Tağıyev (Rufo Gəncinski) Rusiyada qalmağı qərara alıb. Onun "Albert Rıjı"nın yerini tutacağı bildirilir. "Rufo Gəncinski" mərhum "qanuni oğru” "Rövşən Lənkəranski"nin tərəfdarı kimi tanınır. Həbsdən çıxanda onun Azərbaycana deportasiya ediləcəyi bildirilirdi. Onun Rusiyada qalması və "Albert Rıjı"nı əvəzləməsi kriminal dünyada yeni təlatümlərin baş verəcəyi barədə ehtimalları artırır.

Xəbərin oxunma sayı : 967