AzFakt.com xəbər verir ki, bu barədə “Sputnik Live” məlumat yayıb. Bildirilir ki, Arman Cumaqeldiyevlə (“Arman Dikiy”) birgə onun 6 silahdaşı da saxlanılıb.

Onlardan 4 tapança, döyüş sursatı, uclu silahlar və hətta bir zirehli maşın ələ keçirilib.

Bir sıra KİV-nin məlumatına görə, onun Qazaxıstanda etiraz aksiyalarının və təhlükəsizlik qüvvələrinə silahlı hücumların əsas təşkilatçılarından biri olduğu ehtimal edilir.

Xatırladaq ki, Arman Cumaqeldiyev ötən gün Qazaxıstana gedərək etirazçılardan təxribatçılara qulaq asmamağı, soyğunçuluq və iğtişaşları dayandırmağı xahiş edib.

Qeyd edək ki, Arman Cumaqeldiyev 2020-ci ildə qətlə yetirilən azərbaycanlı "oğru” Nadir Səlifovun və məşhur türkiyəli mafiya başçısı Sedat Pekerin yaxın dostudur.