AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Ruben Vardanyan Ukraynaya qarşı da qanunsuz əməllər törədib“ - Ali Radanın deputatları


Tarix 04.02.25, 19:17	Font ölçüsü : - / +

Ukrayna Ali Radasının deputatlar qrupu qeyd edib ki, hazırda Azərbaycanda məhkəmə prosesi davam edən Ruben Vardanyan Ukraynaya qarşı da qanunsuz əməllər törədib.

Bu barədə “Report” Ukrayna KİV-lərinə istinadən xəbər verir.

KİV qeyd edir ki, Vardanyana qarşı ukraynalı parlamentarilər, prezident və xüsusi xidmət orqanları tərəfindən də dəfələrlə suallar yaranıb.

"2022-ci ildə Ukrayna Prezidenti Volodimir Zelenskinin fərmanı ilə Vardanyan Ukraynanın sanksiya siyahılarına daxil edilib. 2023-cü ildə Ukrayna Təhlükəsizlik Xidməti onu "rus-faşist işğalçılarının və terrorçuların əlaltısı" xarakteristikası ilə "Mirotvorets" saytının məlumat bazasına daxil edib. 2024-cü ildə Ukrayna parlamentinin 18 deputatı Vardanyanın adının Nobel Sülh Mükafatına namizədlər siyahısından çıxarılması tələbi ilə kollektiv məktub imzalayıb", - nəşrlər vurğulayır.

Qeyd olunur ki, Azərbaycanda Vardanyana qarşı məhkəmə prosesinin başlaması Ali Radanın deputatlarının diqqətini yenidən cəlb edib. Onlar sosial şəbəkələrdə onun cinayətkar fəaliyyətinin beynəlxalq xarakterinə diqqət yetirməyə çağırırlar.

"Xalqın Xidmətçisi" (“Sluqa Naroda”) partiyasından olan deputat Nikolay Qaluşko “Facebook” səhifəsində yazıb ki, Ruben Vardanyan Ukraynanın ikiqat düşməni, həmçinin "Rusiyanın marionetkası və Putinin pul kisəsidir".

Qaluşkonun həmpartiyalısı Yuri Kamelçuk şəxsi hesablarındakı videolarda bildirir: "Bu şəxsin (Vardanyanın) üzərində artıq damğa qoymağa yer yoxdur. Əgər o, Azərbaycanda həbsdə olmasaydı, onu Ukraynaya və ya məsələn, Litvaya gətirilməli idi. Yeri gəlmişkən, "Mirotvorets" saytında da belə yazılıb - dərhal həbs edilməli və Ukraynanın və ya NATO ölkələrinin hüquq-mühafizə orqanlarına təhvil verilməlidir".

Y.Kamelçuku deputat Aleksandr Fediyenko da dəstəkləyib. O bildirib ki, Vardanyan "Putinə yaxınlığı ilə tanınan xadim, Rusiyaya maliyyə dəstəyinin simvoluna çevrilib. Onun adı 2019-cu ildən ABŞ, Avropa İttifaqı və Ukraynanın araşdırmalarında və sanksiya siyahılarında yer alır".

Xatırladaq ki, Ruben Vardanyan Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, aparma), 107 (əhalini deportasiya etmə və ya məcburi köçürmə), 109 (təqib), 112 (beynəlxalq hüquq normalarına zidd azadlıqdan məhrumetmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 214 (terrorçuluq), 214-1 (terrorçuluğu maliyyələşdirmə) əməllərinin törədilməsində təqsirləndirilib.

Həmçinin o, həmin Məcəllənin 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279 (qanunvericiliklə nəzərdə tutulmayan silahlı birləşmələri və qrupları yaratma), 318-ci (Azərbaycan Respublikasının dövlət sərhədini qanunsuz olaraq keçmə) və digər maddələrində nəzərdə tutulan əməllərin törədilməsində ittiham olunur.

Xəbərin oxunma sayı : 1231