AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Almaniyanın baş kəşfiyyatçısından ciddi xəbərdarlıq - Rusiya NATO-ya hücuma hazırlaşır...


Tarix 10.06.25, 12:52	Font ölçüsü : - / +

Almaniya Federal Kəşfiyyat Xidməti (BND) rəhbəri Bruno Kahl Rusiyanın NATO ərazilərinə mümkün hərbi hücum planları barədə ciddi xəbərdarlıq edib. Kahl bildirib ki, Ukraynadakı müharibə Moskvanın Qərbə doğru genişlənmək istəyinin yalnız bir mərhələsidir və Rusiyanın hədəfi daha böyükdır.

Bruno Kahl vəzifəsini yaxın vaxtlarda tərk etməyə hazırlaşır, lakin verdiyi son açıqlamalar Almaniya daxilində və NATO ölkələri arasında böyük rezonans yaradıb. Onun fikrincə, Moskva artıq NATO-nun ən əsas müdafiə prinsipi olan 5-ci maddənin – yəni kollektiv müdafiənin işləmədiyini düşünür və bu prinsipi sınaqdan keçirməyə cəhd edir. NATO-nun 5-ci maddəsi alyans ölkələrindən birinə hücum halında digərlərinin müdafiə üçün birləşməsini təmin edir və ittifaqın əsas dayağıdır.

Kahl həmçinin vurğulayıb ki, Rusiya NATO-nu zəiflətmək və ABŞ-nin Avropadakı təsirini azaltmaqla alyansı 1990-cı illərin sonundakı daha zəif vəziyyətinə qaytarmaq istəyir. O dövrdə NATO-nun üzvlərinin sayı 16 idi, lakin 1999-cu ildən sonra Polşa, Çexiya, Macarıstan və Baltikyanı ölkələr daxil olmaqla, alyans şərqə doğru genişlənib.

BND rəhbəri qeyd edib ki, Moskva bunun üçün mütləq böyük hərbi əməliyyatlara əl atmamalıdır. Məsələn, Estoniyada və ya digər Baltik ölkələrində "yaşıl adamlar" kimi tanınan, rəsmi geyimdə olmayan hərbi birləşmələrin göndərilməsi ilə rus azlıqlarının müdafiəsi adı altında qarışıqlıq yaratmaqla NATO-nun reaksiyası test edilə bilər. Bu ssenari 2014-cü ildə Krımın işğalı zamanı uğurla istifadə edilmişdi.

Kahl xəbərdarlıq edib ki, əgər NATO bu testə gec və ya zəif reaksiya verərsə, Rusiyanın növbəti addımları daha cəsarətli və genişmiqyaslı ola bilər.

Almaniyanın baş kəşfiyyatçısının fikrincə, Rusiyaya qarşı effektiv çəkindirmə siyasəti müharibənin qarşısını almağın ən az qurbanlı yoludur. O əlavə edib ki, hazırkı mərhələdə Qərb və Rusiya arasında danışıqlar perspektivsizdir. Xüsusilə Putinin düşüncə tərzində və aqressiv siyasətində heç bir dəyişiklik müşahidə olunmur.

Bruno Kahlın sözlərinə görə, İstanbulda keçirilən danışıqlarda Moskva tərəfinin tələbləri Ukraynanın qeyd-şərtsiz təslim olması məqsədini güdür və bu, Qərbin rədd etdiyi tələblərdir.

Ekspertlərə görə, Almaniya Federal Kəşfiyyat Xidməti rəhbərinin xəbərdarlığı NATO və Avropa üçün ciddi təhlükə siqnalıdır. Bu xəbərdarlıq NATO üzvləri və alyans rəhbərliyi arasında təhlükəsizlik strategiyalarının yenidən nəzərdən keçirilməsini labüd edir. Xüsusilə Baltikyanı ölkələr və Şərqi Avropa ölkələri üçün Rusiya təhdidinin həcmi və təbiəti yenidən qiymətləndirilməlidir.

Rusiya-NATO münasibətlərində gərginlik artmaqda davam edir və bu, yalnız hərbi deyil, həm də siyasi və iqtisadi sahələrdə ciddi təsirlər doğurur. Avropa və ABŞ-nin Rusiyaya qarşı mövqeyi və müdafiə səylərinin gücləndirilməsi indiki məqamda daha aktualdır. (AzPolitika.info)

Xəbərin oxunma sayı : 685