AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

“Meqa Sığorta” şirkətindən narazılıq: Pul alır, amma pul vermir…


Tarix 28.11.25, 18:49	Font ölçüsü : - / +

Noyabrın 16-da jurnalist Vazeh Bəhramoğlu Mehdiyevin idarə etdiyi avtomobil qəzaya uğrayıb.

O, “BMW” markalı, 77-KR-055 dövlət nömrə nişanlı avtomobillə Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsindən üzü “Bakıxanov” stansiyasına doğru hərəkət edən zaman anidən köməkçi yoldan baş yola çıxan avtomobil tərəfindən vurulub.

Vazeh Bəhramoğlu avtomobilinə dəymiş ziyanın müəyyənləşdirilməsi üçün “Meqa Sığorta” ASC-yə müraciət edib. Amma şirkət ona dəymiş ziyandan xeyli aşağı məbləğ təklif edib.

Jurnalist Publika.az-a məsələ ilə bağlı bunları bildirdi: “Dəymiş ziyanın dəyərləndirilməsi, yəni təklif edilən məbləğ heç bir halda məni qane etmədiyindən hadisəni ictimailəşdirmək məcburiyyətində qaldım.

Beləliklə, Sabunçu Rayon Dövlət Yol Polis Şöbəsinin müvafiq rəyindən sonra baş vermiş yol qəzasında günahım olmadığı təsdiq edildi. Bundan sonra zərərin qiymətləndirilməsi üçün “Meqa Sığorta” ASC tərəfindən Babək prospektində yerləşən “GM Baku Center” adlı avtoservisə müraciət etməyim məsləhət olundu. Adıçəkilən ünvana getdim, sığorta şirkətinin əməkdaşı bir neçə fotoşəkil çəkdi və “1-2 gün ərzində sizə cavab veriləcək”, – deyə qeyd etdi.

İki gün sonra isə “Meqa Sığorta” ASC-dən “Avtomobilinizə dəymiş zərər 1330 azn dəyərləndirilmişdir”, – deyə cavab aldım. Göndərilən linkə daxil olaraq bu təkliflə razılaşmadığımı, dəymiş ziyanın qeyd olunan məbləğdən artıq olduğunu bildirdim. Ardınca *8778 nömrəsi ilə əlaqə saxlayaraq bu haqda sığorta şirkətini məlumatlandırdım. Dedilər ki, qısa müddətdə müraciətimə baxılıb qərar veriləcək. Lakin üzərindən 3 gün keçsə də heç bir cavab almadım. Odur ki, bu gün yenidən sözügedən sığorta şirkəti ilə əlaqə saxladım. Şirkətin qiymətləndirmə şöbəsindən bildirdilər ki, ilkin məbləği artırıb 1400 manat ediblər. Yəni cəmi 70 manat…

Təbii ki, bu da qaneedici deyil. Çünki təklif olunan məbləğə “BMW” (F30) markalı avtomobilin ön farasını, ön “bufer”ini, fara yuyanını, qabaq sağ qanadını (krilo) dəyişdirmək, həmçinin dəmirçi, rəngsaz və “bufer” ustasına zəhmət haqqı ödəmək mümkün deyil. Müraciət etdiyim digər avtoservis və ehtiyat hissələri satışı mağazası bundan xeyli artıq qiymət müəyyən edib – təxminən 2000 manat. Avtomobildən və təmir işlərindən başı çıxanlar da bunu təsdiqləyə bilər. Lakin şirkətin nümayəndəsi buna məhəl qoymadı və təklif etdikləri məbləğdə israr etdi.

“Meqa Sığorta” ASC media nümayəndəsinin başına bu oyunu açırsa, vay sadə vətəndaşın halına… Odur ki, başıma gələnləri əsas gətirərək vətəndaşlara “Meqa Sığorta” ASC-yə yox, ölkədə fəaliyyət göstərən digər sığorta şirkətlərinə müraciət etmələrini, onların xidmətlərindən yararlanmağı tövsiyə edirəm. Təbii ki, əgər bu cür problemlə üzləşmək, 10 gün maşınsız qalmaq, taksilərə pul xərcləmək istəmirlərsə…”

Jurnalist sonda qeyd etdi ki, bu məsələdə nəzarətedici, istehlakçıların hüquqlarının müdafiəçisi funksiyasını yetirə yetirən Mərkəzi Banka müraciət edəcək.