AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Pakistan Azərbaycanla ticarəti genişləndirir: Qarabağdakı layihələrə də maraq var


Tarix 22.06.22, 21:18	Font ölçüsü : - / +

Pakistan Azərbaycana böyük həcmdə manqo, düyü və digər meyvə-tərəvəz ixrac etmək istəyir.

Bunu “Report”a İslamabad Sənaye və Ticarət Palatasının prezidenti Məhəmməd Şakel Munir deyib.

Onun sözlərinə görə, Pakistanın Azərbaycana böyük həcmdə manqo göndərmək potensialı var:

“Azərbaycana manqo ixrac etməkdə marağımız böyükdür. Burada bizim məhsula tələb var, hazırda manqonun Azərbaycana ixrac potensialını araşdırırıq. Bununla yanaşı, Pakistanın bir sıra meyvə-tərəvəzi var ki, Azərbaycana ixrac edə bilərik. İyunun 7-də Bakıda keçirilən Azərbaycan-Pakistan biznes forumu çərçivəsində Azərbaycan tərəfindən bir sıra şirkətlərlə müzakirələr aparılıb. Həmin müzakirələrdə Azərbaycan tərəfi Pakistan manqosuna maraq ifadə edib”.

M.Munir vurğulayıb ki, Pakistan həmçinin Azərbaycana düyü ixracını genişləndirmək istəyir:

“Azərbaycan bazarına Pakistan düyüsü ixrac edilir. Lakin biz daha böyük həcmdə göndərə bilərik. Pakistan düyüsü daha keyfiyyətlidir. Ümumiyyətlə, bu il Pakistanın Azərbaycana ixrac etdiyi düyünün həcmi artacaq”.

Palata rəsmisi vurğulayıb ki, biznes forumda Pakistandan Bakıya 50-dən çox şirkət gəlmişdi:

“Azərbaycanda çox məhsuldar görüşlər təşkil edilib. Pakistanın biznes imkanlarını Azərbaycanda təqdim etdik. Hesab edirəm ki, bu forum ikitərəfli əməkdaşlıq üçün yaxşı təcrübədir. Həmin şirkətlər İT, qida, turizm, tikinti sektorlarını təmsil edirdi. Ümumiyyətlə, Pakistan-Azərbaycan münasibətləri yüksək səviyyədədir. Biz istəyirik ki, iqtisadi əlaqələrimiz daha da inkişaf etsin. Azərbaycan bazarında böyük potensial görürük”.

M.Munir deyib ki, görüşlər çərçivəsində turizm sahəsində ortaq layihələrin icrası müzakirə edilib:

“Azərbaycanla Pakistan arasında birbaşa uçuşlar həyata keçirilir. Bu isə turizm əlaqələrinin inkişafına töhfəsini verəcək. Azərbaycanda keçirilmiş görüşlərdə tikinti sektoru ilə bağlı müzakirələr aparılıb. Pakistan şirkətləri burada tikinti layihələrində iştirak etmək istəyirlər”.

O, azad edilmiş ərazilərdə Pakistan şirkətlərinin layihələr həyata keçirmək istədiklərini vurğulayıb.

Xatırladaq ki, Azərbaycanda fəaliyyət göstərən Pakistan şirkətlərinin sayı 2 238-dir. Pakistan Azerbaycanın qeyri-neft sektoruna 4,2 milyon ABŞ dolları məbləğində investisiya yatırıb.

Bu ilin yanvar-may aylarında Azərbaycanla Pakistan arasında ticarət dövriyyəsi 12 milyon 889 min ABŞ dolları təşkil edib. Bu, 2021-ci illə müqayisədə 2,7 dəfə çoxdur.

Xəbərin oxunma sayı : 886