AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Pulu alıb sifarişi göndərmirlər - Ehtiyatlı olun!


Tarix 10.02.24, 22:19	Font ölçüsü : - / +

Son vaxtlar sosial şəbəkələrdə onlayn alış-veriş adı ilə saxta profil açanların sayının artması haqda paylaşımlar edilir.

AzFakt.com xəbər verir ki, bununla bağlı vətəndaşlar sosial şəbəkə hesablarında narazılıqlarını bildiriblər.

Həmin şikayətçilərdən biri də Elvar Yəhyayevdir. O, instaqramda “cutluk.geyim” adlı səhifədən məhsul sifariş edib.

Müştəri etdiyi sifarişlərə görə həmin səhifənin göndərdiyi 4286 52** **** 5704 kart nömrəsinə 48 AZN ödəniş edib. Lakin sifariş verdiyi məhsul çatdırılmayıb. Daha sonra o, sifariş etdiyi adamlarla əlaqə saxlamağa çalışsa da, buna nail ola bilməyib.

E.Yəhyayevin sözlərinə görə, zənglərə və mesajlara cavab verən yoxdur: “Ödənişi etməmişdən əvvəl dəqiqləşdirmə apardım. Onlar mənə TikTok səhifələrini göndərib dedilər ki, narahat olmayın, bütün sosial şəbəkələrdə fəaliyyət göstəririk, bizə inana bilərsiniz. Təəssüf ki, mən də etibar etdim. Hazırda heç bir şəkildə səhifəni idarə edənlərlə əlaqə saxlaya bilmirəm. Buna görə də Binəqədi Rayon Polis İdarəsinə müraciət etmişəm”.

Bununla yanaşı, bir neçə şikayətçi 5315 9921 **** **** hesab nömrəsinin sahibi, “brendshopping_aze” adlı instaqram səhifəsinin dələduzluğunun qurbanı olduğunu deyir. Bu kimi hallarla üzləşən vətəndaşlar qeyd edib ki, sözügedən saxta profillər haqqını istəyəni, irad bildirib tənqid edənləri “qara siyahı”ya atır.

Çoxsaylı şikayətlərlə bağlı Daxili İşlər Nazirliyinə sorğu ünvanladıq. DİN-dən saytımıza bildirildi ki, şikayətlə əlaqədar zərərçəkən E.Yəhyayevin izahatı alınıb: “Həmin səhifənin adminlərinin müəyyən edilməsi istiqamətində araşdırmalar davam etdirilir. Qeyd edək ki, DİN dəfələrlə onlayn platformalarda və sosial şəbəkələrdə istifadə olunan kiberdələduzluq metodları barədə vətəndaşlara xəbərdarlıq edərək onları diqqətli olmağa çağırıb.

Yaranmış fürsətdən istifadə edərək bir daha vətəndaşlara tanımadıqları şəxslərə, etibar etmədikləri səhifələrə onlayn qaydada ödəniş etməməyi tövsiyə edirik. Kibercinayətkarlıqla üzləşən şəxslər bu barədə polis orqanlarına məlumat verə bilərlər”.(qafqazinfo)

Xəbərin oxunma sayı : 706