AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Putinin bu avantürası puça çıxıb – “Vaşinqton Post”


Tarix 30.06.22, 18:28	Font ölçüsü : - / +

Qərb ölkələri Rusiyanın təcavüzü qarşısında Ukraynaya dəstək versələr də, bəzi məqamlarda, xüsusilə Rusiya ilə iqtisadi əlaqələrin nə dərəcədə kəsilməsi, Ukraynanın nə həddə silahlandırılması, müharibənin hansı şərtlərlə bitməsi kimi məsələlərdə bu ölkələr arasında fikir ayrılıqları da mövcuddur.

Novator.az-ın məlumatına görə, ABŞ-ın “Vaşinqton Post” qəzeti yazır ki, əslində bu, normaldır, çünki avtoritar Rusiya bir adamın göstərişi ilə hərəkət edir, demokratik Qərb koalisiyasının qərarları isə müzakirələrə və konsensusa əsaslanır: “NATO-nun üzvü olan hər bir ölkə demokratiyanı təmsil edir və onun lideri ictimai rəyi nəzərə almağa borcludur. Rusiya prezidenti Vladimir Putin buna açıq-aşkar zəiflik kimi baxır və durumdan istifadə etməyə çalışır. O, Avropaya ixrac etdiyi enerji, Avropaya və dünyanın başqa yerlərinə ixrac etdiyi ərzaq məhsulları üzərində manipulyasiyalar aparır, Qərbi soyuqdan donduracağına, aclıqla üz-üzə qoyacağına ümid bəsləyir, beləliklə, onu ya tabe olmağa, ya da ən azı neytral mövqe tutmağa məcbur etmək istəyir”.

Qəzet yazır ki, Fransa prezidenti Emmanuel Makronun İntibah Partiyasının son parlament seçkisində zəif nəticələr göstərməsi seçicilərin həqiqətən qiymətlərin qalxmasından, dolanışığın bahalaşmasından narazı qaldığına dəlalət edir.

Bahalaşmanın Putinin başlatdığı müharibə ilə qismən bağlı olduğunu vurğulayan “Vaşinqton Post” qeyd edir ki, Rusiya prezidenti Qərbin bütün bu problemlər qarşısında sınıb geri çəkiləcəyini güman edir, amma müharibənin beşinci ayıdır və cərəyan edən proseslər Putinin konkret bu avantürasının puça çıxdığını sübuta yetirir: “NATO öz birliyini qoruyub saxlayır. Hətta Putinin enerji ilə təchiz etdiyi ölkələr, xüsusilə Almaniya bəyan edir ki, Rusiya prezidentinin beynəlxalq asayişi aqressivcəsinə pozmaq cəhdinin qarşısını almaqda maraqlıdır”.

Türkiyənin NATO-ya qoşulmaq istəyən İsveç və Finlandiyanın alyansa üzvlüyünə veto qoymaq hüququndan imtinasını da Qərb koalisiyasının möhkəmliyinə, davamiyyətinə misal kimi göstərən qəzet sonda vurğulayır: “Müharibənin nə ilə bitəcəyini heç kim bilmir. Deyilənə görə, Ukrayna prezidenti Vladimir Zelenski “Böyük yeddilik” (G7) ölkələrinin liderlərinə bildirib ki, hər şeyin qışa qədər sona çatmasını istəyir. Artıq Ukraynanın sərt müqaviməti və Qərbin qəti mövqeyi sayəsində ən pis nəticənin (Rusiyanın tam qələbəsi) qarşısı alınıb. Belə davam etsə, Ukrayna sərt müqavimətini, Qərb qətiyyətli mövqeyini qoruyub saxlasa, daha böyük uğurlar əldə oluna bilər”.

Xəbərin oxunma sayı : 730