Bu barədə Bloomberg məlumat yayıb.

Milyarderlər İndeksinin məlumatına görə, Rusiyanın ən zəngin iş adamlarının sərvəti 2024-cü ilin əvvəlindən 18,293 milyard dollar artıb. Bu da əsasən şirkət səhmlərinin artımı hesabına olub.

İlin əvvəlindən “Eurochem” və “SUEK”in həmtəsisçisi Andrey Melniçenko 5,29 milyard dollar qazanıb və bununla da onun sərvəti 24,1 milyard dollar təşkil edib. “Severstal”ın əsas səhmdarı Aleksey Mordaşovun sərvəti 3,75 milyard dollar artaraq 24,6 milyard dollara çatıb.

NLMK-nın direktorlar şurasının sədri Vladimir Lisin 2,91 milyard dollar qazanmaqla sərvətini 26,9 milyard dollara qədər artıra bilib.

Ən böyük itkiləri Rusiyanın ən böyük dəmir filizi istehsalçısı olan “Metalloinvest”in səhmdarı Əlişir Usmanov yaşayıb. Onun sərvəti 2,8 milyard dollar azalaraq 18,3 milyard dollara düşüb.