Ölkənin yeni seçilmiş Prezidenti Lay Szin-tenin qanunvericilik çoxluğu olmadan vəzifəyə başlamasından bir neçə gün əvvəl, tayvanlı millət vəkilləri Nümayəndələr Palatasının islahatları ilə bağlı şiddətli mübahisələr zamanı bir-birilərini itələyərək dava ediblər, bir-birilərinə yumruq atıblar.

Deputatlar spikerin kreslosu ətrafında izdiham yaradıblar, bəziləri masaların üzərindən tullanaraq həmkarlarını yerə dartıblar.

Daha sonra hakim partiyanın üzvlərindən biri islahatlarla bağlı qanun layihəsinin qəbuluna mane olmaq üçün bülletenləri götürərək qaçıb.