Bu sözləri Bizimyol.info saytına şikayətçi olan şəhidin qardaşı Şahverdiyev Əziz söyləyib. Onun sözlərinə görə, ailəsi, “AQUA ART” MMC tikinti şirkətinin rəhbərinə ev tikmək məqsədi ilə şəhid qardaşının qan pulunu və aylıq 500 manat ödəyib, lakin həmin şirkət onlara qarşı dələduzluq edib.

Əziz Şahverdiyevin sözlərinə görə, hazırda həmin şirkət nə evi tikib, nə də ailənin pulu geri qaytarmır.

“Nəsimi rayon 22-ci polis bölməsinə müraciət etmişik, olarda araşdırıb dələduzluqla bağlı matrealları istintaqa veriliblər. Anam hadisədən sonra infarkt keçirdib”.

Adı çəkilən şirkətlə əlaqə saxlamağa çalışsaq da, cəhdlərimiz uğursuz alındı.

Qarşı tərəfin mövqeyini dərc etməyə hazırıq.