AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

3-cü dozanı vurduranlar üçün 4-cü məcburidir? - RƏSMİ AÇIQLAMA


Tarix 02.12.21, 15:47	Font ölçüsü : - / +

Son günlər sosial şəbəkələrdə koronavirus əleyhinə buster (qüvvətləndirici), yəni üçüncü dozadan sonra 4-cü dozanın tələb edilməsi məsələsi müzakirə olunur.

Vətəndaşlar bildirir ki, 3-cü dozadan sonra onların sənədinə artıq 4-cü dozanın vurulması ilə bağlı vaxt da yazılır. Sualdoğuran detallardan biri də odur ki, 4-cü dozadan sonra "etabib" proqramında sistemdə olan əvvəlki iki vaksinlə bağlı məlumatlar silinir.

Sfera.az məsələ ilə bağlı İcbari Tibbi Sığorta üzrə Dövlət Agentliyinə sorğu ünvanlayıb. Cavab olaraq saytımıza bildirilib ki, hazırda ilkin vaksinasiyadan 6 ay sonra "buster” və ya "revaksinasiya” mümkündür: "COVID-19 xəstəliyinə qarşı 2 doza vaksin vurdurduqdan 6 ay sonra orqanizmin bu virusa qarşı müqaviməti azalır. Orqanizmin koronavirus infeksiyasına qarşı müqavimətini yenidən artırmaq üçün "buster” dozanın (3-cü doza) vurulması tövsiyə olunur. "Buster” dozadan sonra 4-cü doza vətəndaşın sağlamlıq vəziyyəti nəzərə alınaraq həkim məsləhətinə əsasən vurula bilər”.

Agentlikdən verilən məlumata görə, vətəndaş randevu.its.gov.az saytı üzərindən 3-cü doza üçün növbə götürəndə avtomatik olaraq 4-cü dozanın qəbulu tarixi qeyd olunur: "Yəni, bu qayda peyvənd üçün ilk növbə götürmə prosesindəkinə oxşardır. Həmin vaxt da ikinci dozanın vurulma tarixi vətəndaşa ekranda göstərilir, yaxud da mobil nömrəsinə göndərilən SMS-də bildirilir. Odur ki, 4-cü doza üçün əlavə növbə götürməyə ehtiyac yoxdur”.

Mövzu ilə bağlı cavab olaraq TƏBİB-dən bildirilib ki, ölkəmizdə 4-cü doza insanların öz istəyi ilə vurula bilər: "4-cü dozanın vurulması (revaksinasiya) hələ ki, nə Azərbaycanda, nə də heç bir digər ölkədə planlı şəkildə tətbiq olunur. Eyni zamanda, qeyd olunmalıdır ki, revaksinasiya, yəni 4-cü dozanın vurulması ilə bağlı hər-hansı əks-göstəriş yoxdur və ölkəmizdə 4-cü doza insanların öz istəyi ilə vurula bilər".

4-cü dozadan sonra sistemdən əvvəlki iki vaksinlə bağlı məlumatların silinməsi məsələsinə gəldikdə isə, İcbari Tibbi Sığorta üzrə Dövlət Agentliyindən verilən məlumata görə, məsələni araşdırmaq üçün qeyd edilən halla rastlaşmış şəxsin adı, soyadı, şəxsiyyət vəsiqəsinin FİN kodu təqdim edilməlidir.

Əvvəlki vaksin məlumatlarının sistemdən silinməsi haqda sosial şəbəkələrdə vətəndaşlar tərəfindən paylaşımlar olsa da, TƏBİB-dən saytımıza verilən məlumatda bildirilib ki, elə bir şey yoxdur: "Olsa da, vətəndaş fərdi şəkildə müraciət edə bilər".

Bununla bağlı vətəndaşlara göndərilən SMS-lərlə bildirilir ki, üçüncü doza vurulandan sonra növbəti dozanı qəbul etmək üçün yaxınlaşmaq mütləq deyil.

Xatırladaq ki, Azərbaycanda bu günə qədər vurulan vaksin dozalarının ümumi sayı 10 milyon 567 min 919, birinci mərhələ üzrə peyvənd olunanların ümumi sayı 5 milyon 83 min 530, ikinci mərhələ üzrə vaksinasiya edilənlərin sayı 4 milyon 573 min 036 nəfər, "buster” doza ilə peyvənd olunanların sayı 911 min 353 nəfər təşkil edir.

Xəbərin oxunma sayı : 445