AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Fulcom“ MMC fəhlələrin pulunu vermir - VİDEO


Tarix 11.02.25, 10:22	Font ölçüsü : - / +

Bu günlərdə bir sıra mətbuat orqanlarında "Fulcom" MMC-nin rəhbəri Hüseyn müəllimin tikintisini başa çatdırılması üçün öhdəlik götürdüyü "MEDİCAL ZONE" adlı binada işlətdiyi usta və fəhlələrin pulunu verməməsi ilə bağlı video-çəkilişlər diqqət çəkdi. Adıçəkilən şəxs fəhlələrin "pulunu mənimsəyən” adam kimi yadda qalıb.

Belə ki, "MEDİCAL ZONE"nin binasının işlərini həyata keçirən Zeynalov Vüqar və Şərifov Afərin adlı ustalar media vasitəsilə bəyan ediblər ki, işlədikləri binanın fasad işlərini tamamlayıb "Fulcom" MMC-nin rəhbəri Hüseyn müəllimə təhvil versələr də, bu günədək 22 800 manat pullarını ala bilmirlər.

Vüqar Zeynalovun sözlərinə görə, öncə tikintisinə başlayacaqları binanın fasad işinin 1 kvadrat metrinin qiymətini 100 manatdan razılaşsalar da, sonradan podratçı "Fulcom" MMC-nin rəhbəri Hüseyn müəllim işin ortasında razılaşdığı 100 manatın 25 faizini azaldaraq 75 manata endirib. Ustalar məcburiyyət qarşısında qalaraq, heç bir söz demədən işlərini davam etdiriblər. Ustalar onu da bildiriblər ki, ilk işə başladıqları günlərdə istifadə olunacaq materialların bir hissəsinin və fəhlələrə ödəniləcək pulun müəyyən miqdarı ödənilsə də, işin yekununda 22 800 manatı ödənilməyib. Ustalar görəcəkləri işin ilkin danışıqlarında podratçı şirkət olan "Fulcom" MMC-nin rəhbəri Hüseyn müəllimə fiziki şəxs olaraq, VÖEN və bank hesablarını təqdim edib müqavilə bağlamaq istəyiblər. Lakin podratçı qarşı tərəfin belə bir qanunauyğun təklifini qəbul etməyərək şirin dilinə salıb onları işçi kimi əmək müqaviləsi bağlamağa razı salıb. Burada məqsəd o olub ki, görüləcək işin müqabilində müqavilə bağlayacağı fiziki şəxsin hesabına köçürməli olacağı məbləğin vergisini dövlətdən gizlətsin. Bu niyyətlə də altı nəfər olan usta və fəhlələri razı salıb işçi kimi əmək müqaviləsi bağlamağa müvəffəq olub. Amma fəhlələr Hüseyn müəllimə etibar etsələr də o, etibardan sui-istifadə etməklə 22 800 manatı mənimsəyib. Yayılan məlumatdan aydın olur ki, həmin məbləğin ödənilməməsi üçün usta və fəhlələrlə bağlanmış əmək müqaviləsinə Hüseyn müəllimin rəhbəri olduğu "Fulcom" MMC-nin mühasibatlığı tərəfindən xitam verilib.

Qeyd edək ki, "Fulcom" MMC-nin rəhbəri Hüseyn müəllim "MEDİCAL ZONE" adlı klinikanın binasını "İdrak" Liseyinin təsisçisi və rəhbəri Mönsüm Alışovun oğlu və eyni zamanda liseyin iqtisadi məsələlər üzrə direktoru İdris Alışovun sifarişi əsasında tikdirib. Qısa bir araşdırmamızdan məlum oldu ki, adıçəkilən binanın tikilməsinə lazım olan pul vəsaitini İdris Alışov podratçı şirkətin rəhbəri Hüseyn müəllimə artıqlamasıyla ödəyib. Belə bir yüksək məbləğin ödənilməsinə baxmayaraq, "Fulcom" MMC həm külli miqdarda vergidən yayınıb, həm də usta, fəhlə və tikintiyə istifadə olunan materiallara ödənilməli olan 22 800 manatın "arxasına keçib".

İnternet üzərindən apardığımız araşdırmalardan belə qənaətə gəlmək olar ki, "Fullcom" MMC rəhbərliyi əvvəllər də əmək və vergi qanunvericiliyinin tələblərini pozmağa, şəffaflığı, hesabatlılığı təmin etməməyə meylli olub. O üzdən keçən ilin yayında MMC barəsində müvafiq qurum tərəfindən protokol yazılaraq İnzibati Xətalar Məcəlləsinin 464-cü ("Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir) maddəsinə əsasən tərtib olunub.

Daha əvvəllər isə Ekologiya və Təbii Sərvətlər Nazirliyinin (ETSN) 11 saylı Regional Ekologiya və Təbii Sərvətlər İdarəsi "Fulcom” MMC barəsində İnzibati Xətalar Məcəlləsini 266.1-ci maddəsi ilə (istehsalat və məişət tullantıları haqqında qanunvericiliyin pozulması) protokol tərtib edib.

Qeyd edək ki, "Fulcom" MMC-nin tikintisini apardığı "MEDİCAL ZONE"nin binası Bakı şəhəri, Nərman Nərimanov rayonu, Nəcəf Nərimanov küçəsində yerləşir.(gundemxeber.az)