AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Anasını yemək üstündə döydü - Məhkəmə qərar verdi


Tarix 21.09.26, 17:39	Font ölçüsü : - / +

Bakının Sabunçu rayonunda anasına xəsarət yetirməkdə təqsirləndirilən şəxs barəsindəki cinayət işinin məhkəmə istintaqı yekunlaşıb.

Qaynarinfo xəbər verir ki, məhkəmə materiallarına görə, hadisə Zabrat qəsəbəsində baş verib. Təqsirləndirilən şəxs yaşadığı evdə anası ilə mübahisə edib. Mübahisənin səbəbi isə anasının ona yemək verməməsi olub.

İttihama əsasən, o, əsəbiləşərək anasının baş və qol nahiyələrinə əli ilə bir neçə dəfə zərbə endirib. Nəticədə qadının sol göz ətrafında və sol bazu nahiyəsində qançırlar əmələ gəlib.

Məhkəmə-tibbi ekspertizanın rəyinə əsasən, qadına yetirilən xəsarətlər sağlamlığın qısa müddətə pozulmasına səbəb olan yüngül zərər kimi qiymətləndirilib.

Lakin təqsirləndirilən şəxs məhkəmə qarşısında özünü təqsirli bilməyib. O bildirib ki, anası ilə mübahisə zamanı divanın nalçəsini ona tərəf atıb, lakin qadına əli ilə zərbə vurmayıb.

Onun sözlərinə görə, mübahisə zamanı evdə səs-küy yaranıb və yaxınlıqda yaşayan qohumları hadisə yerinə gələrək onları sakitləşdiriblər. Təqsirləndirilən şəxs həmçinin bildirib ki, hadisə zamanı anasının üzündə kiçik qaraltı görüb. Onun sözlərinə görə, həmin qaraltı sonradan böyüyüb. O, anasının aldığı xəsarətlərin özündən qaynaqlanmadığını iddia edib.

Ancaq müttəhimin istintaq zamanı verdiyi ifadə məhkəmədə söylədiklərindən fərqli olub. O, ibtidai istintaq zamanı anası ilə aralarında əvvəldən də mübahisələrin olduğunu deyib.

Müttəhimin sözlərinə görə, problemlər əsasən qadın dostlarının evə gəlməsi ilə bağlı yaranıb. Anasının bundan narahat olması onların arasında mübahisələrə səbəb olub.

Hadisə günü isə o, evə gəlib anasından yemək istəyib. Anasının onunla əsəbi danışmasından sonra aralarında yenidən sözlü mübahisə yaranıb.

İstintaqa verdiyi ifadəsində təqsirləndirilən şəxs anasının yüksək səslə qışqırdığını və onu sakitləşdirməyə çalışdığını bildirib. Lakin mübahisənin daha da gərginləşdiyini və bu zaman anasının baş nahiyəsinə bir neçə dəfə zərbə endirdiyini etiraf edib. Daha sonra isə evdən çıxıb getdiyini söyləyib.

Məhkəmə zərərçəkmiş şəxsin ifadəsini də dinləyib. Qadın məhkəmədə bildirib ki, təqsirləndirilən şəxs onun oğludur. Oğlunun evdə tez-tez mübahisə yaratdığını deyən qadın hadisə zamanı oğlunun onu əli ilə itələdiyini və nəticədə xəsarət aldığını söyləyib.

Zərərçəkmiş şəxs daha əvvəl oğlunun narkotik vasitə qəbul etdiyini düşündüyünü və buna görə polisə şikayət etdiyini də bildirib. Bununla belə, qadın məhkəmədə oğlu ilə barışdığını, hazırda onunla bağlı heç bir şikayət və tələbinin olmadığını deyib.

Məhkəmə iş üzrə toplanmış sübutları və tərəflərin ifadələrini araşdırdıqdan sonra təqsirləndirilən şəxsin əməlini Cinayət Məcəlləsinin 128-ci maddəsi (Qəsdən sağlamlığa yüngül zərər vurma) ilə tövsif edib.

Hökmə əsasən, təqsirləndirilən şəxs 6 ay müddətinə azadlığın məhdudlaşdırılması cəzasına məhkum edilib.

Xəbərin oxunma sayı : 64