Virtualaz.org saytı xəbər verir ki, bunu Respublika Gigiyena və Epidemiologiya Mərkəzinin şöbə müdiri Ziyəddin Kazımov deyib.

Onun sözlərinə görə, ölkənin 215 kəndində Ekologiya və Təbii Sərvətlər Nazirliyi tərəfindən quraşdırılan modul tipli qurğulardan verilən içməli su nümunələrinin fiziki-kimyəvi və bakterioloji göstəricilərində aşkar olunan nöqsanlarla əlaqədar bu nazirliyə məktub göndərilib. “Respublika ərazisində bulaq və yeraltı artezian sularının müayinələri ilə əlaqədar araşdırma aparılılıb və götürülmüş nümunələrdə o qədər də təqdirəlayiq nəticələr əldə edilməyib. Bununla bağlı yerli icra orqanları qarşısında məsələ qaldırılıb. Şəhərin və bölgələrin içməli su təchizatı məsələsi daim nəzarətdə saxlanılır”, - deyə Z.Kazımov vurğulayıb.