AzFakt.com xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində deyib.

O qeyd edib ki, xəstəlik lokallaşdırılmasa, infeksiya daha çox əraziyə yayılmış olacaq: “Nə qədər erkən normal həyata qayıtsaq, o qədər sağlamlığımız üçün xeyirlidir. Rentgendə ağciyərində “buz kristalı” çıxan 600-dən çox müalicə alan xəstə var. Onları da koronavirus xəstəsi kimi müalicə edirik”.

R.Bayramlı əlavə edib ki, xüsusi rejimli xəstəxanalarda cüzu yoluxma faktı var: “Misal olaraq Mərkəzi Neftçilər Xəstəxanasında 7 yoluxma halı var idisə, onun da 4-ü evdə yoluxub. Bütün tibb personalı içərisində yoluxma göstəricisi 8% təşkil edir: “Bunun böyük hissəsi evlərdən daşınan infeksiyalardır”.