AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Atamın 27 ildir incidilən ruhu şad oldu“ - Qubad İbadoğlu Füzuli həsrətindən danışdı


Tarix 17.10.20, 22:49	Font ölçüsü : - / +

27 sentyabr tarixində Azərbaycanın müzəffər Ordusu tərəfindən keçirilmiş əks-hücum əməliyyatı nəticəsində Füzuli rayonunun Qaraxanbəyli, Qərvənd, kənd Horadiz, Yuxarı Əbdürrəhmanlı, Aşağı Əbdürrəhmanlı, 9 oktyabr 2020-ci ildə Yuxarı Güzlək, Gorazıllı, 14 oktyabrda Qaradağlı, Xatunbulaq, Qarakollu, 15 oktyabrda Arış kəndləri işğaldan azad edilib.

Bu gün isə Ali Baş komandan İlham Əliyev Füzuli rayonunun Qoçəhmədli, Çimən, Musabəyli, Pirəhmədli, Dədəli, İşıqlı, Cuvarlı kəndləri və Füzuli şəhərinin işğaldan azad olunduğunu elan etdi. Ordumuzun bu qələbəsi isə çoxlu sayda insanın illərdir xiffətini çəkdiyi Füzuli həsrətinə son qoydu.

Füzulidən olan iqtisadçı-ekspert Qubad İbadoğlu sevincini Musavat.com-la bölüşüb:

"Füzulinin alınmasını müharibənin ilk günündən gözləyirdim. Çünki artıq sentyabrın 27-də Azərbaycanın rəşadətli Ordusu Füzuli tərəfdən ermənilərin əks-hücumunu dəf etmək üçün təmas xəttini yarmaq məcburiyyətində qalmışdı. Çox uğurla irəliləyə bilmişdi. O zaman tələsib Füzulinin alınma xəbərini də paylaşmışdım. Amma sonradan məlum oldu ki, Füzuli ermənilər tərəfindən boşaldılsa da, Azərbaycan tərəfinin nəzarətinə keçməyib. Çünki Füzulinin ətrafındakı yüksəkliklər, o cümlədən Ərgünəş dağları, Məngələnata yüksəkliyi ermənilərin nəzarətində idi. Müzəffər Ordumuzun zəfər yürüşü həm də həmin yüksəkliklərin fəth edilməsi ilə nəticələndi. Şükürlər olsun ki, Füzuli alındı. Füzuli artıq bizdədir. O gün olsun ki, Qarabağın digər rayonlarının, Şuşanın, Xankəndinin sevincini yaşayaq. Azərbaycanla Amerika arasında səkkiz saat fərq olmasına baxmayaraq, demək olar ki, mənim də gecəm, gündüzüm bir-birinə qarışıb.

Məhz elə bu gecə də Amerika vaxtı ilə saat 3 olsa da, yatmamışdım. Gözləyirdim ki, nə isə bir xəbər alacam. Daxilimdə bir hiss var idi ki, indicə Azərbaycan üçün əhəmiyyətli bir xəbərin sevincini yaşayacağıq. Görəndə ki, Prezident İlham Əliyevin xalqa müraciəti var, bu barədə məlumatı elə sizin qəzetdən oxudum. Başqaları ilə də paylaşdım, özüm də dərhal canlı yayından izləməyə başladım.

Eşidəndə ki, Füzuli və başqa kəndlər azad olunub, 27 illik həyatımda, demək olar ki, ən böyük sevincimi yaşadım. Bu sevinc öz torpağını itirən hər bir azərbaycanlıya qismət olmalıdır. Buna bütün məcburi köçkünlərin, qaçqınların ehtiyacı var. Bütövlükdə Azərbaycanımızın ehtiyacı var".

Q.İbadoğlu onu da bildirib ki, Füzulinin alınması Azərbaycan Ordusunun mövqelərinin möhkənlənməsi deməkdir:

"Hərbi strateji baxımdan Azərbaycanın böyük uğurudur. Siyasi nöqteyi-nəzərdən də hesab edirəm ki, bu Azərbaycan üçün həqiqətən, əhəmiyyətli bir hadisədir. Füzulinin alınması həm də onu göstərdi ki, Azərbaycan Ordusu ən çətin, ən ağır döyüşlərdən qalib çıxır. Bilirəm ki, Füzulinin alınması asan başa gəlməyib. Çünki Hadrut uğrunda gedən döyüşlər də göstərdi ki, ermənilər xüsusilə Füzuli, Hadrut ərazilərində kifayət qədər səfərbər olublar. Ən yüksək yerlərdə mövqe qurublar. Təbii istehkamlardan da faydalanırlar. Amma bu qələbə həm ağılın, həm də hərbi taktikanın birləşməsidir. Çünki ağıllı hərbi strategiya və düzgün hərbi taktika əhəmiyyətli olan bir ərazinin - Füzuli və ətraf kəndlərin azad edilməsi ilə nəticələndi. Mən Füzulinin Aşağı Güzlək kəndində doğulmuşam. Düzdür, bizim kəndin alınması hələ elan olunmayıb, amma düşünürəm ki, o da Ordumuzun nəzarətində olmalıdır. Çünki ətraf kəndlərin alınması barədə məlumatlar var. Ən böyük arzum odur ki, tezliklə vətənə qayıdıb, həm Füzulini, həm də doğulub boya başa çatdığım Aşağı Güzlək kəndindəki müqəddəs yerləri ziyarət edim. İlk olaraq atamın məzarına baş çəkim, onun 27 ildir incidilən ruhu, hesab edirəm ki, şad olub. İnanıram ki, atamın məzarını ziyarət etməyimiz onun ruhunu şad edəcək. Allah belə bir sevinci, belə ziyarəti bütün azərbaycanlılara qismət eləsin. Hər kəs öz torpağına qayıtsın, hər kəs öz elində, obasında yaşasın, öz doğma yurdunda əzizlərinin məzarını istədiyi vaxt ziyarət eləsin.

Füzuli həm də iqtisadi baxımdan əhəmiyyətli bir rayondur. Rayonun həm də münbit torpaqları çoxdur. Füzuli rayonu sovet dövründə, əsasən, üzümçülük üzrə ixtisaslaşmışdı, amma sonradan həm də digər kənd təsərrüfatı sahələrində də yaxşı nəticələr göstərmişdi. Rayon 1993-cü ilin 23 avqustunda işğal olundu. Ərazisi 1386 kilometrdir. Rayonun 90 faizi azad olunub. Tarixi baxımından da əhəmiyyətli rayondur. Füzuli rayonunun ərazisində çoxlu tarixi memarlıq abidələri var. Rayonun 51 kəndi işğal altında idi və bu kənddən təxmini 55 min insan məcburi köçkün düşmüşdü. 21 kənd isə bizdə idi. Ümumi 72 kəndi var idi. Mənim hesablamalarım göstərir ki, rayonun 90 faizi azad olunub. İnanıram ki, 10 faizi də tezliklə azad olunacaq. Bu, Füzuli rayonundan Xocavənd rayonuna gedən yolun üzərində olan kəndlərdir".

İqtisadçı onu da bildirib ki, Füzuli rayonu Azərbaycan iqtisadiyyatının dirçəlməsində, inkişafında əhəmiyyətli rol oynayacaq:

"Rayonun iqtisadiyyatında taxılçılıq, heyvandarlıq, bostan, tərəvəz aparıcı rol oynayıb. Hətta vaxtilə pambıqçılıq, şəkər çuğunduru, üzüm və meyvə istehsalı üzrə yaxşı nəticələri olub. Rayon həm də kommunikasiyaların, infrastrukturun qovşağında yerləşib. Füzuli həm də Zəngilan, Cəbrayıl, Qubadlı üçün

təchizat bazası idi. Rayonun sənaye potensialı yüksəkdir. Çünki rayonda yerli əhəmiyyətli təbii resursların, xüsusilə dağ-mədən sənayesinin inkişaf imkanları var. Füzuli rayonunun böyük üstünlüyü ondan ibarətdir ki, rayon həm də elm adamları ilə, akademik sahədə müvəffəqiyyət qazanmış adamları ilə həmişə öndə olub. Odur ki, Füzuli rayonunun alınması digər rayonların alınmasında da əhəmiyyətli rol oynayacaq".

Q.İbadoğlu ermənilərin Gəncədə törətdikləri qətliam barədə də fikirlərini bilidirib:

"Gəncədə baş verən hadisə terrordur, Azərbaycan Ordusu terrorçularla üz-üzə qalıb. Qarabağdan onları təmizləməklə məşğuldurlar. Gəncə terrorunu bütün dünyaya çatdırmaq lazımdır. Çalışırıq, xaricdə müəyyən tədbirlər həyata keçirək. Sabah dünyanın bir çox yerlərində etiraz aksiyaları keçiriləcək. Avropada, Amerikada, Kanadada tədbirlər olacaq. Düşünürəm ki, Gəncə hadisələrini dünyaya olduğu kimi çatdırmaq lazımdır. Həm əvvəlki, həm də indiki qətliam barəsində. Biz Gəncə hadisələrinə hüquqi qiymət verməliyik. Bu, həm ölkə, həm də beynəlxalq səviyyədə olmalıdır. Sabaha iki tədbir planlaşdırmışıq, düşünürəm ki, həmin tədbir iştirakçıları ilə Gəncə terroru, müharibə cinayəti haqqında məlumatı beynəlxalq səviyyədə lazımi dairələrə çatdıracağıq".

Xəbərin oxunma sayı : 889