AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

İcra başçısının müavini olmaq istədi - 204 minini aldılar


Tarix 01.07.22, 17:52	Font ölçüsü : - / +

Bakıda vətəndaşlara qarşı külli miqdarda (ümumilikdə 300 min manata yaxın) dələduzluq etmiş keçmiş məmur və onunla əlbir olan taksi sürücüsü məsuliyyətə cəlb edilib.

AzFakt.com Qafqazinfo-ya istinadən xəbər verir ki, əvvəllər bir sıra qurumlarda yüksək vəzifələrdə çalışmış Niyazi Qədimov və tanışı Vüsal Rzayev Cinayət Məcəlləsinin 178-ci (Dələduzluq) maddəsinin bir neçə bəndi ilə təqsirləndiriliblər.

Araşdırmalar zamanı məlum olub ki, N.Qədimov 1992-ci ildən MTN-nin maliyyə idarəsində, 1994-cü ildən MTN Sərhəd Qoşunlarında xidmət edib. O, 2005-ci ildə DSX-dən tərxis olunduqdan sonra 2008-ci ilin sonlarından Əmək və Əhalinin Sosial Müdafiəsi Nazirliyinin Səbail rayon şöbəsində müdir müavini, 2016-ci ildən ƏƏSMN Suraxanı rayon Sosial təminat şöbsində müdir vəzifəsində işləyib. Son iş yeri isə Xətai rayon Məşğulluq idarəsi olub və 2018-ci ildə işdən çıxıb.

2019-cu ildə Niyazi Q. təsadüfən taksidə olarkən sürücü Vüsal Rzayevlə tanış olub. Vüsal ona yüksək vəzifəli şəxslərlə yaxın əlaqələrinin olduğunu bildirib. Bundan sonra dostluq münasibətləri yaranan Niyazi və Vüsal birlikdə müxtəlif şəxsləri işə düzəltmək adı ilə onların külli miqdarda vəsaitini ələ keçiriblər.

Həmin vəsaitlərin siyahısı belə olub:

- Hərbi polisdə işə düzəlmək istəyən şəxsdən 8 500 manat;

- Hərbi polisdə çavuş rütbəsində xidmət edən şəxsin gizir rütbəsinə keçirilərək Bakıdakı hərbi hissəyə gətiriləcəyini vəd edərək həmin şəxsdən 23 000 manat;

- Qaraçuxur qəsəbəsi ərazisində 3 sot torpaq sahəsi alıb adına rəsmiləşdiriləcəyi vədi verdikləri şəxsdən 15 000 manat;

- Ali Hərbi Məktəbin quru qoşunları fakültəsində təhsil alan şəxsin həmin məktəbin hərbi hava qüvvələri fakültəsinə keçirilməsi vədi ilə 5 000 manat;

- N saylı hərbi hissədə xidmət edən şəxsin iş yerini dəyişdirilməsi vədi ilə 5 000 manat;

- Xarici İşlər Nazirliyinin mətbuat xidmətində işə düzəlmək istəyən şəxsdən 14 000 manat;

- Polis orqanlarında işə düzəlmək istəyən şəxsdən 7 000 manat;

- Suraxanı Rayon İcra Hakimiyyəti başçısının müavini vəzifəsinə təyin ediləcəyi adı ilə Ədalət adlı şəxsdən 120 min dollar (204 000 manat);

- Ali Hərbi məktəbin aviasiya mühəndisliyi ixtisası üzrə təhsil almaq istəyən 1-ci kurs tələbəsindən 5 400 manat;

- Hərbi Polisdən təxris olunmasını istəməyən şəxsin işini həll edilməsi adı ilə 4 500 manat pul alaraq dələduzluq yolu ilə ələ keçiriblər.

Niyazi və Vüsal barəsində açılmış cinayət işinə Bakı Ağır Cinayətlər Məhkəməsində baxılıb. Məhkəmədə məlum olub ki, Niyaziyə icra başçısının müavini vəzifəsində işə düzəlmək üçün 120 min dollar verən Ədalət Xəlilov onun qohumudur. Zərərçəkmiş şəxs hadisənin 2020-ci ildə baş verdiyini və iş axtararkən qohumu, yüksək vəzifələrdə çalışmış Niyazinin ona kömək edə biləcəyini düşündüyünü deyib:

“Niyazi həm Naxçıvandan həmkəndlim, həm də əmim oğlunun qayınatasının qardaşıdır. Özüm əvvəllər Silahlı Qüvvələrində hərbi xidmət etmişəm, 2010-cu ilin yanvarında hərbi xidmətdən mayor rütbəsində tərxis edilmişəm. 2020-ci ilin əvvəllərində özünə iş axtardığı üçün əmim oğluna müraciət etdim. O da Niyazini məsləhət gördü. Əmim oğlu qayınatasının qardaşı Niyazinin əvvəllər yüksək vəzifələrdə işlədiyini, əlaqələrinin geniş olmasını, istənilən məsələni həll edə biləcəyini dedi. Bir neçə gün sonra əmim oğlu Niyazi ilə danışdığını dedi. Bundan sonra Niyazi ilə danışmağa başladım, o mənə Suraxanı Rayon İcra Hakimiyyəti başçısının müavini vəzifəsinə düzəldəcəyinə söz verdi və 120 min dollar aldı. Lakin hələ də mənə vurulmuş ziyan ödənilməyib”.

Məhkəmədə o da məlum olub ki, Niyazi və Vüsalın aldadaraq külli miqdarda pul aldıqları şəxslərin əksəriyyətini Ədalət Xəlilov və Firudin adlı digər şəxsin vasitəsilə tanıyıblar.

Bakı Ağır Cinayətlər Məhkəməsinin 28 iyun 2022-ci il tarixli hökmü ilə Niyazi Q. 8 il, Vüsal isə 4 il 6 ay müddətinə həbs cəzasına məhkum edilib.

Xəbərin oxunma sayı : 1477