AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Şəkidə dəhşətli cinayət: Qızının doğum günündə qayınanasını öldürdü...


Tarix 31.10.21, 15:00	Font ölçüsü : - / +

Uşağının doğum günündə qayınanasını öldürən şəxs 15 il həbs cəzası alıb. Hadisə günü mübahisə evdə olan masanın yerinin dəyişdirilməsi ilə başlayıb. Qətli törədən şəxs bunu bəhanə edərək dava salıb və nəticədə qətl hadisəsi baş verib.

Musavat.com xəbər verir ki, Şəki rayon sakini 1961-ci il təvəllüdlü Əhmədova Ruqiyyə Şükür qızı qətlə yetirilib. Qətli törədən şəxs Ruqiyyə Əhmədovanın qızının əri Rahim Cəlilov olub. Hadisə Şəkidə baş verib.

Qətl hadisəsinin baş verməsinə səbəb mərhumla Rahim Cəlilov arasında son zamanlar baş verən mübahisələr olub. Ruqiyyə Əhmədova həmin mübahisələr zamanı qızının boşanmasını istəyirmiş.

Rahim Cəlilov isə hadisə günü daha əvvəl aralarında olan mübahisələri bəhanə gətirərək evdə dava salıb.

Məhkəmədə ifadə verən R.Cəlilov deyib ki, işini qurtardıqdan sonra evə qayıdıb. Qızının doğum günü olduğuna görə spirtli içki də alıb. Elə yol üstü konfetlə həmin içkidən bir az içib.

“Yolda olanda oğlum zəng edib nə vaxt gələcəyimi soruşdu. Dedim ki, gəlirəm, siz yeməyinizi yeyin. Evə çatdıqda stolun yerinin dəyişdiyini görüb hirsləndim. Stolu nə üçün əvvəlki yerindən götürüb başqa yerə qoyduqlarını soruşdum. Həmin vaxt içkili idim”, - deyə, R.Cəlilov psixoloji problemlərinin olduğunu da əlavə edib.

Sonra R.Cəlilovun anası və qayınanası stolu əvvəlki yerinə qaytarıb, amma bu onu qane etməyib. Stola təpik vuraraq dava salıb. Masanın üzərindəki əşyaları dağıdıb. Hirslənib ki, o deyəndən sonra stolun yerini dəyişmək lazım deyilmiş. Ailə üzvləri isə ondan xahiş edib ki, uşağının doğum günündə dava salmasın. Amma R.Cəlilov sərxoş halda heç kimi dinləməyib.

Mübahisə zamanı Ruqiyyə Əhmədova deyib ki, bütün bu olanlardan bezib və qızı boşanmalıdır.

“Dedi ki, qızını boşatdırıb başqa kişiyə ərə verəcək. Həmin vaxt arvadım anasına etiraz etdi. Dedi ki, dünyaya bir dəfə gəlirəm, bir dəfə də ərə gedirəm. Anasından danışığına fikir verməsini istədi. Mən də ondan ailə işlərimə qarışmamasını, qonaq kimi yerini bilməsini istədim. Amma o yenə də həmin sözü təkrar etdi. Əsəbiləşib özümü öldürəcəyimi dedim. Mətbəxdən bıçaq götürüb özümü öldürmək üçün ayaqyolu tərəfə getmək istəyəndə qayınanam qarşıma çıxdı. Əlimdə olan bıçaq birdən ona dəydi”, - deyə, R.Cəlilov xüsusi amansızlıqla qəsdən adam öldürməkdə özünü təqsirli bilməyib.

R.Cəlilova Cinayət Məcəlləsinin xüsusi amansızlıqla qəsdən adam öldürmə maddəsi ilə ona görə ittiham olunur ki, hadisəni azyaşlı uşaqların gözü qarşısında törədib. Amma R.Cəlilov deyib ki, bu hadisəni uşaqları görməyib. Hadisə baş verən zaman uşaqlar digər otaqda olub.

İsitintaqda qayınanasını qəsdən vurduğunu etiraf edən R.Cəlilov məhkəmədəki ifadəsində hadisənin təsadüfən, istəmədən baş verdiyini izah etməyə çalışıb.

Məhkəmədə R.Cəlilovun övladları ifadə verən zaman hadisəni görmədiklərini, səs-küy eşidib koridora çıxanda nənələrinin qan içində yerdə uzandığını gördüklərini deyiblər.

R.Cəlilov hadisədən sonra nə etdiyindən danışıb: “Özümü itirdim. Əynimə paltar geyinərək həyətə düşdüm. Ağlaya-ağlaya yolda gedəndə təcili yardım maşını gəldi. Bildim ki, bizim evə gedir. Sonra əraziyə polis əməkdaşları da gəldi. Onlara yaxınlaşıb axtardıqları şəxs olduğumu dedim”.

Əməlindən peşman olduğunu deyən R.Cəlilov məhkəməni inandırmağa çalışıb ki, hadisə istəmədən baş verib. O, qəsdən adam öldürmə maddəsinin ən aşağı həddi ilə cəzalandırılmasını məhkəmədən xahiş edib.

Həmçinin bildirək ki, mərhumun hüquqi varisi də R.Cəlilovdan şikayətçi olmayaraq onu bağışlayıb.

Məhkəmə tərəfləri dindlədikdən sonra hökmü elan edib. Hökmə əsasən, R.Cəlilov ittiham olunduğu maddə ilə 15 il müddətinə azadlıqdan məhrum edilib. Onun hadisənin bilərəkdən törədilməməsi barədə dedikləri məhkəmə tərəfindən özünü müdafiə kimi qiymətləndirilib.

Xəbərin oxunma sayı : 454