Avropa Komissiyasının rəhbəri Ursula fon der Layen Rusiya prezidenti Vladimir Putinin iştirak edəcəyi təqdirdə “G20” sammitinin qalan ölkələr tərəfindən boykot edilməsinə qarşı çıxıb.

Musavat.com xarici agentliklərə istinadən xəbər verir ki, o, bu barədə Almaniyanın ZDF telekanalına müsahibəsində bildirib.

“Biz G20-nin iflic vəzyyətə düşüb-düşməyəcəyi barədə diqqətlə düşünməliyik. Buna görə də mən boykot fikrini dəstəkləmirəm”,-deyə xanım fon der Layen bildirib .

Onun sözlərinə görə, Putinin gəlməsi və başqa ölkələrin liderləri ona hər şeyi onun üzünə deməsi daha yaxşı variantdır.

Xatırladaq ki, “G20” liderlərinin sammiti bu ilin noyabrın 15-16-sı tarixlərində İndoneziyanın Bali şəhərində keçiriləcək. Tədbirə bütün üzv dövlətlərinin rəhbərləri, o cümlədən Rusiya prezidenti Vladimir Putin ona dəvət olunub. Sammitdə Ukrayna prezidenti Vladimir Zelenskinin də iştirak etməsi gözlənilir.