Aktrisa qalmaqala səbəb olacaq iddialı açıqlamalar edib:

“Yoxluğuma sevinib özünü ulduz hesab edənlər var. Ey, ağıllı olun! Mən İstanbula köçüb orada yaşaya bilərəm, amma mənim yerimi tuta bilməyəcəksiniz. Demirəm mən dünya gözəliyəm, lakin qısqanılacaq tipajam. Mənə elə gəlir ki, şarmım var. Şou-biznesdəkilərin çoxunda olmayan şeylər məndə var və həddindən artıq çalışqanam. Biliyimi, bazamı artırmağa çalışıram. Amma mən bizdə onu görmürəm. Nəyəsə görə hamının gözünə batıram, insanları pis və ya yaxşı cəlb edirəm. Üzərimdən nə qədər insan gündəmə gəlib və bu gün məşhurdular. Hamı bilir və onlara deyir ki, bəsdir, bu qızın üstündən piar qazandınır. Yoxluğumu özlərinə avantaj bilirlər. Faktiki olaraq, Azərbaycan film sahəsində gənclərdən yeganə mənəm bu qədər göz batan, tanınan. Çox istəyirəm ki, gözəl aktrisalarımız olsun, həm görünüş, həm də iş baxımından. Niyə də yox? Çünki Azərbaycanımız adınadır, hətta getsin təmsil də etsinlər. Bu mənim üçün  sevindirici hal olar. Amma yoxdur”.