AzFakt

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Mərkəzi Kəşfiyyat İdarəsi terror hücumlarından necə xəbər tuta bilir? – ŞƏRH

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

“Heç kim dövlətə meydan oxuya bilməz” - Qənirə Paşayeva


Tarix 22.08.20, 16:32	Font ölçüsü : - / +

"Bu günlərdə sosial mediada, bəzi KİV-də yayılmış, yüksək vəzifələr daşımış, hazırda da yüksək titul və vəzifə daşıyan şəxslərin iştirakı ilə keçirilmiş toy mərasimi ilə bağlı materiallarla tanış olduqda, doğrusu, öncə inanmağım gəlmədi. Düşündüm ki, yanlış informasiya olar, ayrı vaxt baş tutmuş toydan “montaj” olar və s. Lakin sonra toyun bəzi iştirakçıları faktı təsdiq etdikdə, bir vətəndaş, bir Millət vəkili olaraq, bundan çox təəssüf hissi keçirdim. İlk növbədə, ona görə ki, özü örnək göstərməli olan yaşı, daşıdığı vəzifə etibarı ilə mənəvi məsuliyyətdən heç cür kənarda tutula bilməyəcək şəxsin ailəsində toy olması, yüzlərlə təxirə salınmış toy yiyələrində ikili hisslər doğuracaq: qayda-qanun hamı üçün deyilmi?! Üstəlik, bu toyu edən, orada iştirak edən bir sıra yüksək titul və vəzifəli şəxslər, karantin qaydalarına əməl etməkdən, hətta, bu qaydaların sərtləşdirilməsindən dəfələrlə danışıb, yazıbsa, indi bu ikiləşməni necə izah etmək olar?”

AzFakt.com xəbər verir ki, bunu APA-ya açıqlamasında millət vəkili Qənirə Paşayeva deyib.

Millət vəkili bildirib ki, burada işin ən bağışlanmaz tərəflərindən biri də, üzrxahlıq etməkdənsə, özünü haqlı çıxarmaq və yaxud susmaqdır: “Heç bir vəzifəli şəxs, cənab Prezidentin “Heç kəs qanundan üstün deyil”, “Qaydlar hamı üçündür” kimi fikirlərini, cənab Prezidentin şəxsi nümunəsini, özəliklə karantin dövründəki örnək addımlarını, çağırışlarını unutmamalıydı!

Mən məsələnin hüquqi tərəfini gözardı etmədən, daha çox mənəvi məsuliyyətini qeyd etmək istərdim.

Elə bilirəm, aktiv sosial media iştirakçılarının, ictimai fikri qidalandıran ziyalıların, sadə vətəndaşların verdiyi reaksiyalar da birmənalı şəkildə, toy sahibiləri və iştirakçılarını haqlı qınağa tutur, onları izahata, üzrxahlığa dəvət edir. Onlar bunu etməyə özlərində güc tapmalıdır. Məsələnin hüquqi tərəflərinə gəlincə, cənab Prezidentin də söylədiyi kimi, heç kəs qanundan üstün deyil, bütün vətəndaşlar statusundan, imkanlarından asılı olmayaraq qanun qarşısında bərabərdir və cəmiyyətimiz bir daha bunun şahidi olur”.

Q. Paşayeva bildirib ki, vəzifəsindən və mövqeyindən asılı olmayaraq hər kəs qanun qarşısında bərabərdir: “Heç kim qanunlardan üstün deyil, heç kim dövlətə meydan oxuya bilməz”.

Xatırladaq ki, bu günlərdə Ramiz Mehdiyevin nəvəsinin toyu olub. Orada bir çox vəzifəli şəxslər, deputatlar iştirak ediblər. Bu gün isə Ramiz Mehdiyevin toy edən kürəkəni İlham Əliyevə 15 sutka həbs cəzası verilib.

Xəbərin oxunma sayı : 5470