Avropa.info xəbər verir ki, bu barədə Türkiyənin prezident administrasiyası məlumat yayıb.

Məlumatda qeyd olunub ki, telefon danışığında hər iki ölkənin lideri Suriyanın şimalında yaranmış son durumu müzakirə ediblər.

Ərdoğan ötən həftə Mənbiçdə baş verən terror aktı zamanı ölən ABŞ hərbçiləri ilə əlaqədar olaraq Trampa başsağılığı verib. Ərdoğan bu terror aktının ABŞ-ın Suriyadan çəkilməsini əngəllməyə yönələn addım kimi dəyərləndirib.

Bununla belə, Ərdoğan bəyan edib ki, Türkiyə vaxt itirmədən Mənbiçdə təhlükəsizliyi təmin etməyə hazırdır.

Ərdoğan, eyni zamanda, Türkiyənin PKK terror təşkilatı və onun Suriyadakı əlaltılarına qarşı mübarizəsini davam etdirəcəyini bir daha Trampın diqqətinə çatdırıb.

Hər iki ölkə lideri İŞİD-in Suriyadakı qalıqlarını və onun yenidən ortaya çıxmasına imkan verməyəcəyi istiqamətində bundan sonra da birgə fəaliyyət göstərəcəklərini bəyan edib. Onlar, eyni zamanda, Suriyanın şimalında təhlükəsizlik bölgəsinin yaradılması məsələsi barədə fikir mübadiləsi aparıblar.