“Məni milyonçu hesab edirlər” - Vasif “O səhnələrə baxanda gözlərim dolur” - “Karadeniz”in aktrisası Elnarə ilə Tolik arasında dava Elza Seyidcahan polisə şikayət etdi
Axtar
 
  • / Maqazin / — 17 Fevral 2018

    “Məni milyonçu hesab edirlər” - Vasif

  • / Maqazin / — 16 Fevral 2018

    “O səhnələrə baxanda gözlərim dolur” - “Karadeniz”in aktrisası

  • / Maqazin / — 09 Fevral 2018

    Elnarə ilə Tolik arasında dava

  • / Maqazin / — 07 Fevral 2018

    Elza Seyidcahan polisə şikayət etdi

  • / Maqazin / — 06 Fevral 2018

    Tanınmış müğənni 3-cü ərindən də boşandı

  • / Maqazin / — 05 Fevral 2018

    Məşhur verilişlə bağlı qalmaqal – “Birinciliyin mənə verilməsi üçün Mübariz Əsgərovla anlaşmışdıq”

“Roma” klubunun qəzeti “Qarabağ”dan yazdı – “Müharibə içində futbol, bu da Qarabağ”

Tarix 22.09.17, 23:42

Font ölçüsü : - / +
bitmap-img6


İtaliyanın “Roma” futbol klubunun rəsmi mətbuat orqanı olan “Il Romanista” qəzetinin həm çap, həm də elektron versiyasında Azərbaycanın İtaliyadakı səfiri Məmməd Əhmədzadənin “Sizə Qarabağdan danışım” sərlövhəli müsahibəsi dərc olunub.

“Report”un xəbərinə görə, “Il Romanista” qəzetinin müxbiri Qabriele Fasanın suallarını cavablandıran Məmməd Əhmədzadə “Qarabağ” futbol klubunun tarixi nailiyyətinin Azərbaycan futbolu və idmanı üçün önəmindən, Ermənistanın Azərbaycana qarşı hərbi təcavüzü ilə bağlı klubun ağrılı taleyindən, habelə Dağlıq Qarabağ münaqişəsi və onun acı nəticələrindən danışıb.

Diplomat son illərdə Azərbaycanda idmanın inkişafı, bu sahəyə Prezident İlham Əliyevin diqqəti və qayğısı, idmançılarımızın beynəlxalq yarışlarda əldə etdikləri yüksək nailiyyətlər, Azərbaycanda müasir idman infrastrukturunun qurulması və ölkəmizin bir sıra mötəbər beynəlxalq idman tədbirlərinə ev sahibliyi etməsi barədə də məlumat verib.

Səfir M.Əhmədzadə “Qarabağ” və “Roma” futbol klubları arasında keçiriləcək oyunların önəmli idman tədbiri olması ilə yanaşı, Azərbaycan və İtaliya xalqlarının bir-birini daha yaxından tanımasına töhfə verəcəyini bildirib.

Komandalar arasında keçiriləcək ilk oyunun tarixinin “Roma”nın əfsanəvi kapitanı Françesko Tottinin ad gününə təsadüf etməsi ilə əlaqədar azərbaycanlı diplomat məşhur futbolçu ilə bağlı xatirələrini bölüşüb və onu ad günü münasibətilə təbrik edib.

Müsahibə ilə bağlı “Il Romanista” qəzetinin üz səhifəsində məhz F.Tottinin fotosunun əks olunduğu “Müharibə içində futbol – Bu da Qarabağ” sərlövhəli məlumat da yerləşdirilib.

Müsahibənin yerləşdirildiyi səhifədə, həmçinin Ermənistan-Azərbaycan, Dağlıq Qarabağ münaqişəsi, “Qarabağ” klubunun sabiq məşqçisi və Azərbaycanın Milli Qəhrəmanı Allahverdi Bağırov, Azərbaycanda keçirilmiş nüfuzlu beynəlxalq idman yarışları, eləcə də bu turnirlərdə idmançılarımızın yüksək nailiyyətləri barədə də ətraflı məlumat verilib.

Xatırladaq ki, “Roma” futbol klubunun rəsmi mətbuat orqanı olan “Il Romanista” qəzeti 2004-cü ildə təsis olunub və dünyada futbol klubuna həsr edilən ilk idman qəzetidir. Qəzet “Roma” futbol klubunun azarkeşləri, eləcə də İtaliyada idmansevərlər və futbol həvəskarları arasında geniş populyarlığa malikdir.

Məqalə ilə aşağıdakı linkdən tanış olmaq mümkündür



Xəbərin oxunma sayı : 154

loading...

İdman

Xəbərlər

ARXİV
Əlaqə | Haqqımızda