AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

ABŞ-da silahlı qiyam qorxusu - FTB xəbərdarlıq etdi, Milli Qvardiya hərəkətə gətirilir


Tarix 12.01.21, 18:17	Font ölçüsü : - / +

Federal Təhqiqatlar Bürosu (FTB) ABŞ-da Co Baydenin yanvarın 20-də andiçmə mərasimi öncəsi silahlı etirazlarla bağlı xəbərdarlıq edib. Qurum yanvarın 11-də ABŞ mediasının əldə etdiyi bülleteni yayıb, 50 ştatın hamısında və Kapitoli binasında silahlı etirazların planlaşdırıla biləcəyini bildirib.

Qeyd edək ki, Vaşinqton DC-ni çıxmaqla, ştatların çoxunda silah gəzdirmək qanunidir. Ötən həftə Kapitoliyə basqından sonra Vaşinqtonda və ştatların qanunverici orqanlarında təhlükəsizlik gücləndirilib. Yanvarın 6-da Prezident Donald Tramp tərəfdarlarının Kapitoliyə basqını zamanı 5 nəfər ölüb. Həmin vaxt Konqres Baydeninin qələbəsinin təsdiqlənməsinə baxırdı.

FTB-nin əldə etdiyi başqa bir informasiyada bir qrup digərlərini, Tramp vəzifə müddəti bitməzdən öncə prezidentlikdən kənarlaşdırılarsa, ştat, yerli və federal məhkəmə və administrativ binalarına basqına səsləyir.

Vitse-prezident Mayk Pens və kabinet konstitusion səlahiyyətindən istifadə edərək prezidenti vəzifədən kənarlaşdırmasa, Nümayəndələr Palatasındakı demokratlar bu həftə Trampı impiçment edə bilərlər.

Bayden yanvarın 11-də deyib ki, bayırda, Kapitoli binasının pilləkənlərində and içməkdən qorxmur. Andiçməənənəvi olaraq orada keçirilir. Pandemiyaya görə builki andiçmə onsuz da məhdud şəkildə keçiriləcək.Tramp mərasimə qatılmayacağını, Pens isə gedəcəyini deyib.

Prezident yanvarın 11-də paytaxtda fövqəladə vəziyyət elan edib. Bu, yanvarın 24-cən qüvvədə olacaq. Bu arada Daxili Təhlükəsizlik katibi vəzifəsini icra edən Çad Vulf gözlənilmədən istefa verib. O, 20 yanvar tədbirinin təhlükəsizliyinə cavabdeh quruma başçılıq edirdi.

Vulf Federal Fövqəladə Halların İdarəçiliyi Agentliyinin administrator Pit Qeynoru öz yerinə təyin edib. O, istefası zamanı Kapitoliyə basqından danışmayıb.

İnauqurasiya vaxtı təhlükəsizliyin gücləndirilməsindən ötrü Milli Qvardiyaya Vaşinqtona əlavə 15 min əsgər göndərmək səlahiyyəti verilib. Prezident Trampla Vitse-prezident Pens yanvarın 11-də axşam görüşüb. Bu, prezidenti kənarlaşdırmaq üçün təzyiqin artmasına baxmayaraq, onun vəzifədə müddətini tamamlayacağı anlamına gəlir.

Məlumatlara görə, Pens Trampın seçkidə saxtakarlıqla bağlı əsassız iddialarından dolayı ona qəzəbliydi. Prezident də Pensi açıq tənqid edərək onun seçkinin nəticələrinin ləğvindən imtina etməyə cəsarəti çatmadığını deyib. Ötən həftəki basqından sonra ilk dəfəydi Pens ilə Tramp bir araya gəlirdi. Administrasiyanın aparıcı rəsmisinin müxtəlif media qurumlarına deməsinə görə, tərəflər çox yaxşı söhbət ediblər.

Rəsminin bildirməsinə görə, Pensin demokratların tələbinə boyun əyərək Konstitusiyaya 25-ci düzəlişi işə salmaq, Trampı vəzifəsinə yararsız olduğunu deyərək vəzifədən kənarlaşdırmaq fikri yoxdur.

Trampın özünün də yanvarın 20-cən vəzifəsindən istefa vermək niyyəti yoxdur. 6 yanvar zorakılığından sonra Tramp əsasən sakit davranıb. "Twitter" və digər sosial media platformaları onun hesablarını bağlayıb.

Yanvarın 11-də Nümayəndələr Palatasındakı demokratlar Trampa qarşı bir impiçment maddəsi irəli sürüblər. Prezident basqındakı rolundan dolayı qiyamın qızışdırılmasında suçlanır.Daha öncə isə demokratlar qətnamə irəli sürərək Pensi 25-ci düzəlişi tətbiq edərək Trampı Ağ evdən uzaqlaşdırmağa çağırıblar. Pens 24 saat ərzində cavab verməsə, impiçment prosesi başlanacaq. (azadliq.org)

Xəbərin oxunma sayı : 325