“The Washington Post” qəzeitnə verdiyi müsahibədə aşağı palatanın spikeri bu məsələnin əleyhinə olduğunu ifadə edib.

“Hesab edirəm ki, belə yolla gedə bilmərik. Çünki bu ölkəni parçalaya bilər”, -deyə Nensi Pelosi bildirib.

Spikerin sözlərinə görə, Donald Tramp heç impiçmentə belə layiq deyil.

Bu arada ABŞ-ın Nyu-Cersi ştatında yerləşən Monmut universitetinin keçirdiyi sorğuda hazırkı prezident Donald Trampa dəstək faizləri açıqlanıb.

“Insider NJ” saytının məlumatına əsasən, Donald Tramp respondentlərin sadəcə 38%-nin dəstəyini qazana bilib.

Sorğuda iştirak edənlərin 57%-i onun başqa bir siyasətçi ilə əvəz olunmasını istəyiblər.

Bundan başqa, universitet 3 il qabaq Donald Trampın qalib gəldiyi 300 seçki dairəsinin seçiciləri arasında sorğu aparıb.

Məlum olub ki, onların yalnız 33%-i respublikaçı prezidenti dəstəkləməyə hazırdır.

“Prezidentin tərəfdarları az deyil. Lakin onun, tərəddüd keçirən seçicilərin 2016-cı ildə olduğu kimi səslərinə ümid etməsi bir qədər çətin görünür.”,-deyə universitetin araşdırmaçı xidmətinin rəhbəri Patrik Mürrey sayta bildirib.

Musavat.com