AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Arvadının başqası ilə xəyanət şəklini gördü... – Ağdaşdakı kriminalın təfərrüatı


Tarix 10.07.19, 11:10	Font ölçüsü : - / +

Qətl hadisəsi törətməkdə təqsirli bilinən Ağdaş rayon sakini, 1980-ci il təvəllüdlü Rəvan Bağırovun cinayət işi üzrə məhkəmə prosesi başa çatıb.

AzFakt.com Publika.az-a istinadən xəbər verir ki, qətl hadisəsi Ağdaş rayonun mərkəzində, M.Ə.Rəsulzadə küçəsində baş verib. Rayon sakini Rəvan Bağırov ov tüfəngindən açdığı atəşlə həmyerlisi, 1991-ci il təvəllüdlü Kamil İsmayılovu vurub. Kamil İsmayılov aldığı xəsarətdən hadisə yerində ölüb.

Müəyyən edilib ki, Rəvan Bağırov arvadı Röyanın istifadəsində olan “Asus” markalı planşet telefonuna baxıb. Orada Röyanın Kamal İsmayılovla (o, bu şəxsin Kamal İsmayılov olduğunu sonradan bilib) çəkilmiş şəklini görüb və arvadının ona xəyanət etdiyini zənn edib.

Rəvan Bağırov bu məsələni aydınlaşdırmaq üçün Röyadan şəkildəki şəxsin kim olduğunu soruşub. Röya həmin şəxsin “Gülüş” deyə çağırdıqları qohumu Gülruhun sevgilisi olduğunu söyləyib. Röya şəklin kiminsə tərəfindən montaj edildiyini deyib. Rəvan isə arvadının dediklərinə inanmayıb.

Rəvan Bağırov 25 may 2015-ci il tarixdə günorta saatlarında Kamal İsmayılova zəng edib, onunla sonuncunun evinin yaxınlığında görüşmək barədə razılaşıb.

Söhbət zamanı Rəvan Bağırov arvadı ilə nə kimi münasibətlərinin olduğunu Kamaldan soruşub. Kamal Röya ilə heç bir əlaqəsinin olmadığını, onun qohumu Gülüşlə bir-birini sevdiklərini deyib.

Daha sonra Rəvan Bağırov məsələyə aydınlıq gətirmək üçün elə həmin gün Kamalla birlikdə idarə etdiyi avtomobillə Şəki şəhərinə qayınatasıgilə gedib. Oradan həmin vaxt qayınatasıgildə olan arvadı Röyanı və xalası Səidəni də götürüb.

Sonra onlar Gülüşün yaşadığı evə gediblər. Söhbət zamanı Gülüş Kamalın həqiqətən də onun sevgilisi olduğunu desə də, Röya ilə Kamalın şəklini kimin montaj etdiyini izah edə bilməyib.

Rəvan Bağırov arvadı tərəfindən aldadıldığı qənaətinə gələrək, Kamalla birlikdə Ağdaş şəhərinə qayıdıblar.

Qohumlarının da məsələdən xəbər tutmaları onu narahat etdiyindən bu rüsvayçılıqdan xilas olmaqdan ötrü Kamalı öz evinə dəvət edib, arvadı ilə heç bir münasibətinin olmadığını qohumlarının yanında deməsi üçün onunla danışmaq qərarına gəlib. Bu məqsədlə də iyunun 2-də, saat 14.24-də Kamal İsmayılova zəng edib.

Lakin onun bu təklifindən Kamal boyun qaçırıb. Həmin gün saat 17-də Rəvan özünə məxsus olan “Mersedes E 300” markalı avtomobillə Ağdaş şəhərindəki bazarın yanından keçərkən Kamal onu görüb.

Həmin vaxt Kamal Rəvana yaxınlaşaraq arvadı ilə münasibətdə olmadığını onun qohumlarına demək üçün birlikdə evə gəliblər.

Evə gəldikdən təxminən 5 dəqiqə sonra Kamal İsmayılov vədindən imtina edib, heç kimə heç nə deməyəcəyini bildirib.

Həmin vaxt Kamal Rəvan Bağırova “sən kişi deyilsən, bu söhbəti bağlamalısan”, - deyərək getmək istəyib. Kamalın bu hərəkətindən əsəbiləşən Rəvan Bağırov qısqanclıq zəminində onu öldürmək qərarına gəlib.

Bu məqsədlə Rəvan Bağırov evə daxil olub, əvvəlcədən atasının yatdığı çarpayının altına qoyduğu ov tüfəngini götürərək həyətə çıxıb. Kamal İsmayılov onun əlindəki tüfəngi görüb qapıdan çıxaraq qaçmağa başlayıb.

Rəvan onun arxasınca gedərək təxminən 10-15 metr məsafədən Kamal İsmayılovun kürəyindən nişan alaraq atəş aşıb. Kamal aldığı xəsarətdən ölüb.

İstintaq orqanı tərəfindən Rəvan Bağırova Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.

Şəki Ağır Cinayətlər Məhkəməsinin hökmü ilə Rəvan Bağırov 11 il 6 ay müddətinə azadlıqdan məhrum edilib.

Hökmdən apelyasiya şikayəti verən Rəvan Bağırov cəzasının yüngülləşdirilməsini istəyib.

Şəki Apelyasiya Məhkəməsinin qərarı ilə Rəvan Bağırovun şikayəti təmin edilməyib.

Bu qərardan narazı qalan Rəvan Bağırov kasasiya şikayəti verib. Onun şikayəti araşdırılması üçün Ali Məhkəməyə göndərilib.

Hakim Hafiz Nəsibovun sədrliyi ilə baş tutan prosesdə Rəvan Bağırovun kasasiya şikayətinin dəlilləri araşdırılıb.

Hakim heyəti sonda kasasiya şikayətinin təmin edilməməsi barədə qərar çıxarıb.

Xəbərin oxunma sayı : 409