AzFakt.com xəbər verir ki, azpolitika.info dairələr üzrə açıqlanan informasiyanı təhlil edərək real mənzərəni aydınlaşdırmağa çalışıb. Əvvəlcə Naxçıvan Muxtar Respublikasında (NMR) yerləşən DSK-lar üzrə əsas məlumatları oxuculara təqdim edirik:

Bu dairədən 3 nəfərin namizədliyi qeydə alınıb. Onlar Vasif Talıbov, Mirvəli Seyidov və Etibar Məmmədovdur. Naxçıvan Ali Məclisinin sədri Vasif Talıbovun yenidən deputat seçiləcəyi şübhə doğurmur.

Bu seçki dairəsindən də 3 nəfərin namizədliyi qeyd alınıb: İsa Həbibbəyli, Ziyad Allahverdiyev və Sabir Eyvazov deputat seçilmək iddiasındadırlar. AMEA-nın vitse-prezidenti, akademik İsa Həbibbəylinin yenidən millət vəkili seçiləcəyi gözlənilir.

Bu dairədən irəli sürülən hər üç namizəd qeydə alınıb - Səttar Mehbalıyev, Hüseyinqulu, Bədəlov, Nəriman Quliyev. Azərbaycan Həmkarlar İttifaqları Konfederasiyasının sədri, hazırki deputat Səttar Mehbalıyev yenidən mandat alacaq.

Bu dairədən namizədliyini vermiş 5 nəfərdən 3-nün namizədliyi qeydə alınıb. Onlar – Eldar İbrahimov, Bəhruz Məmmədov və Nübar Quliyevadır.

Qocaman deputat, Milli Məclisin Aqrar Siyasət Komissiyasının sədri Eldar İbrahimovun daha 5 il deputat olacağı gözlənilir.

Bu seçki dairəsindən də namizədliyini irəli sürən bütün namizədlər qeydə alınıb. Onlar Siyavuş Novruzov, Ramin Hacıyev, Mehriban Həsənova və Qədir Məmmədovdur. YAP-ın icra katibinin müavini, Milli Məclisin Komitə sədri Siyavuş Novruzovun deputat seçiləcəyi şübhə doğurmur.

Bu dairədən də irəli sürlən 5 namizədin hər biri qeydə alınıb. Onlar - Ülviyyə Həmzəyeva, Mətləb Aslanov, Hicran Həsənov, Abdulla Məhərrəmov, Rəhman Şahvəliyevdir.

Hazırki deputat Ülviyyə Həmzəyevanın yenidən mandat alacağını ehtimal etmək olar.

Bu dairədən isə irəli sürülən 4 namizəddən 3-nün namizədliyi qeydə alınıb. Cəbi Quliyev, Kamal Lütvəliyev, Etibar Fərəcov deputat olmaq iddiasındadırlar.

Xatırladaq ki, ötən seçkilərdə bu dairədən BAXCP sədri Qüdrət Həsənquliyev deputat seçilib. Hazırda o namizədliyini 36 saylı Xətai dördüncü seçki dairəsindən irəli sürüb. 7 saylı dairədən bu dəfə Naxçıvan MR Gənclər Fondunun icraçı direktoru Cəbi Quliyevin millət vəkili seçiləcəyi gözlənilir.