AzFakt.com xəbər verir ki, informasiya texnologiyaları üzrə mütəxəssis Rəşad İbrahimov informasiya müharibəsi fonunda Ermənistana qarşı mübarizədə bir sıra addımlar atıb.

Rəşad İbrahimov qeyd edib ki, o, erməni vətəndaşın mobil telefonundan Ermənistan Milli Təhlükəsizlik Nazirliyinə müxtəlif məzmunlarda mesajlar göndərib və mesajlara gələn biabırçı cavablar ictimailəşdirilib:

“Bundan başqa, Ermənistanda müəyyən qədər tanınan təmir dizayn tikinti şirkətinin 7 ədəd serverinə daxil olunaraq server məlumatları son 6 il silinib, şirkət sahibinin instagram səhifəsində prezident İlham Əliyevin çıxışları paylaşılıb, şirkətin e-mail məlumatları araşdırılaraq e-maildən banklara müxtəlif tipli ajotaj yaradacaq cavablar “reply” edilib. Bununla yanaşı, şirkət sahibinin onlayn supermarket istifadəçi adı və şifrəsindən istifadə edərək ünvanına 1 ton ət,120 ədəd kolbasa, 300 qutu pampers sifariş olunub. “Yandex” disk yaddaşında olan 14GB fayl silinib, bütün əməliyyatlar ictimailəşdirilib.

“Yerevan-Sun Tour Travel” şirkətinə məxsus ofis binasında yerləşən printerlərə qoşularaq, “QARABAĞ AZƏRBAYCANDIR!” yazısı 1500 nüsxə çapa göndərilib. Ermənistan QHTS-nin əməkdaşının kompüterində olan hərbi paradda istifadə olunan texnika şəkillər və bəzi sənədlər ictimailəşdirilib. “Tomasyans father and son” adlı şirkətə məxsus serverin bazasında olan aptek, market və digər satış obyektlərinin məlumatları ictimailəşdirilib və baza üzərində dəyişikliklər edilərək arxivləri silinib. İrəvanın mərkəzində yerləşən böyük “Yerevan City Supermarket” binasında Azərbaycan himni səsləndirilib və ictimaiiləşdirilib.

“K-TELECOM”, “am.armentel”, “am.arpinet2”, “am.crossnet”, “am.hi-teck”, “am.interlink”, “am.k-telecom”, “am.mtsarmenia”, “am.supercom”, “am.telecomarmenia”, “am.ucom”, “am.web-llc” məxsus internet servislərinin İP blokları ( təxmini İP bloku – 70000) axtarış edilərək müəyyən edilən boşluqlardan daxil olunaraq, ümumilikdə 1130 ədəd internet qəbuledicisi ( modem,routerlər) adı AZƏRBAYCAN-KARABAGH olaraq dəyişdirilib. İrəvanın mərkəzində 6 ədəd ictimai internet paylayıcısına daxil olunaraq, 5 km radiusu əhatə edən şəbəkə adı “AZƏRBAYCAN-KARABAGH” olaraq dəyişdirilib.

Həmçinin müxtəlif kafe, restoran, özəl şirkətlər, zavodlar daxil olmaqla ümumilikdə 610-dan çox İP kameralara daxil olunaraq kamera qeydləri üzərinə “AZƏRBAYCAN-KARABAGH” yazısı qeyd olunub.

4 ünvanda isə İP kamera vasitəsilə Azərbaycan himni səsləndirilib. Daxil olunan kamera sistemlərinin HDD yaddaş qurğusu sıfırlanıb və köhnə qeydləri silinib, mövcud şifrələr mürəkkəb şifrə ilə dəyişdirilib. Şifrənin bərpası mümkün olmayan yüzlərlə cihaz artıq istifadəyə yararsızdır.

“Spyur Armenia” adlı şirkətə məxsus 1C proqramına daxil olunaraq içərisində olan 7 illik baza məlumatları sıfırlanıb. Elite Plaza Business Center Yerevan – Turniket nəzarət sisteminə daxil olunaraq işçilərinə aid 150 barmaq izi və kart məlumatları silinərək 3 ədəd AZE-BAKU, AZERBAYCAN, KARABAGH adlı istifadəçilər yaradılıb. İrəvanın mərkəzi küçəsində yerləşən və Ermənistan Milli Məclis binasına 1km məsafədə olan naməlum zirzəmidə yerləşən server qurğuları aşkar olunub və ictimailəşdirilib. 4G Mifi avadanlığına daxil olunaraq Ermənistan Müdafiə Nazirliyi, Milli Təhlükəsizlik Nazirliyi, Səhiyyə Nazirliyi və İrəvan Dövlət TV-nin mobil nömrələrinə erməni dilində məzmun hazırlanıb və sms olaraq qeyd olunan qurumlara göndərilib.

3 ədəd İcloud məlumatları ictimailəşdirilib.

Ermənistanda böyük rezonansa səbəb olan erməni hərbçilərinin döyüş zamanı dəfələrlə bir masa ətrafında əyləşib əyləncə təşkil etdikləri məclis ictimailəşdirilib. İrəvan mərkəzində yerləşən fahişəxana ictimailəşdirilib və erməni təhlükəsizlik xidməti tərəfindən obyektə gəlib kameraların sökülməsi zamanı video qeyd aparılaraq ictimailəşdirilib. Ermənistan dövlət orqanlarına məxsus serverlərdə yerləşən sənədlər ( 10 orqan) sənədləri ictimailəşdirilib. İrəvan mərkəzində 3 mərtəbədən ibarət ofis binasının mərkəzləşdirilmiş havalandırma, kondisioner sistemi sıradan çıxarılıb. 2 ədəd qaz və neft borularında, həmçinin su və kanalizasiya sisteminə nəzarət (temperatur, gərginlik və.s ) ölçmə cihazı sıradan çıxarılıb.

Paşinyanın 2017ci ildə açılışını etdiyi otelin 24 ədəd kamerası sıradan çıxarılıb. Ermənistan mobil internet provayderi istifadəçi məlumatları və səsyazmalar digər sənədlər ictimailəşdirilib. Siyahı da adı unudulan yüzlərlə idarə və təşkilatın məlumatlarının sıfırlanması əməliyyatı aparılıb”.