Musavat.com xarici agentliklərə istinadən xəbər verir ki, bu barədə “The İndependent” qəzetində məlumat yayılıb.

Qəzetin informasiyasına görə, bu Rusiya Baş Kəşfiyyat İdarəsinin generalı Denis Sergeyevdir.

Britaniya kəşfiyyatının təsbitlərinə əsasən, Denis Sergeyev “Sergey Fedotov” adı ilə hadisə ərəfəsində adaya gəlib. Burada o, iki kəşfiyyatçı ilə birlikdə əməliyyatın keçirilməsinə rəhbərlik edib.

“Mİ-5” (Böyük Britaniya əks-kəşfiyyatı-red.) Deniz Sergeyevin Moskvadan London şəhərinə, Hitrou hava limanından giriş edərək mart ayının 2-də , həmkarlarından 4 saat öncə daxil olduğunu müəyyənləşdirib. Həmin il mart ayının 4-də, yəni ata və qız Skripallaırn zəhərləndiyi gün o, Moskvaya geri qayıdıb.

Rəsmi London keçmiş rus kəşfiyyatçısının insanda sinir iflici yaradan “Noviçok” adlı maddə ilə zəhərləndiyinə əmindir.

Denis Sergeyvdən başqa işdə “Ruslan Boşirov” adı altında fəaliyyət göstərən Anatoli Çepiqa, “Aleksandr Petrov” ləqəbi ilə çalışan Aleksandr Mişkin əsas fiqurantlar olaraq keçir.