Statistika da ölkədə pul bazasının azala-azala getdiyini göstərir. Martın 1-nə pul bazası 6 milyard 987 milyon manat olub. Bu, bir ay öncəylə müqayisədə 344,7 milyon manat, ilin əvvəlinə nisbətənsə 873,5 milyon manat az deməkdir.

Xatırladaq ki, bundan əvvəl Azərbaycan Mərkəzi Bankı sərt pul siyasəti aparacağını açıqlamışdı. Mərkəzi Bank bu yolla inflyasiyanın önünü kəsmək istədiyini bildirmişdi. Lakin belə görünür ki, Mərkəzi Bankın məqsədlərindən biri də manatın kursunun daha da aşağı düşməsini əngəlləməkdir.