Muxtar Babayevin bundan sonra da nazirliyin strukturunda islahatı davam etdirəcəyi deyilir. 

 

Qlobal.Az-ın əldə etdiyi məlumata görə, Ekologiya və Təbii Sərvətlər Nazirliyinin aparat rəhbərinin işdən azad edilməsi bu posta göz dikən bəzi şəxsləri hərəkətə gətirib. Mənbə qeyd edir ki, yeni nazirə müəyyən vasitələrlə "xod" tapmaq istəyən şəxslərin arasında iki "namizəd" daha şanslı görünür.

 

Bunlar Ətraf Mühitin Mühafizəsi Departamentinin direktoru Xalıqverdi Hüseynov və nazirliyin Aparat rəhbərinin müavini Şakir İsmayılovdur.

 

Qeyd edək ki, hər iki şəxsin uzun illərdən bəri Ekologiya və Təbii Sərvətlər nazirliyində çalışdığı və peşəkar kadr olduqları deyilir. 

 

Məlumatlı mənbə Şakir İsmayılovun nazirliyin aparat rəhbəri vəzifəsinə daha şanslı namizəd olduğunu, böyük ehtimalla nazir Muxtar Babayevin seçiminin də Şakir İsmayılov olacağını qeyd edir.