Musavat.com xarici agentliklərə istinadən bildirir ki, bu barədə baş nazir yerli “Les Echos” qəzetinə müsahibəsində məlumat verib.

Eduard Filipin sözlərinə görə, buraya həm iğtişaşların gedişində dəyən zərər, həm də “sarı jiletlilər”ə edilən iqtisadi güzəştlər daxildir.

“Fransa prezidenti Emmanuel Makron tərəfindən elan olunan tədbirlər 10 milyard avroya başa gələcək yük gətirəcək. Biz təxminən müəssisələr və məsrəflərlə bağlı 4 milyard avro miqdarında tədbirlər görməyi planlayırıq,”-deyə baş nazir qeyd edib.

Fransa hökumətinin başçısının qənaətinə əsasən, bu tədbirlər dövlət büdcəsindəki kəsiri 3,2% səviyyəsində saxlamağa imkan verəcək.

Qeyd edək ki, Fransada artıq 5 həftədir ki, şənbə günləri “sarı jiletli”lər küçələrə çıxaraq ölkədə benzin qiymətlərinin artırılmasına etiraz edirlər.

Lakin sonradan iqtisadi şüarlar siyasi tələblərə, hətta prezident Emmanuel Makrona istefa çağırışlarına dönüb.