AzFakt.com xəbər verir ki, bir neçə gün əvvəl Gəncə şəhər ərazisində fəaliyyət göstərən "Bazarstore"a aid mağazada satıcı işləyən 1997-ci il təvəllüdlü Arzu Mübariz qızı Əliyeva marketin yük liftinin şaxtasına düşərək ağır xəsarət alıb. Xəstəxanaya yerləşdirilən A.Əliyeva orada ölüb.

Fakta bağlı Gəncə şəhər Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır. 

Qeyd edək ki, sosial şəbəkədə yayılan məlumatlara görə "Bazarstore" Gəncə filialında yük liftinin texniki problemi olub. Belə ki, lift yuxarıda olduğu zaman aşağıda qapısı açılıb və işçi liftin şaxtasına düşüb.