"Report"un Qərb Mərkəzinin məlumatına görə, bunu ermənilərin Gəncəyə atdığı raket atəşi nəticəsində 5 yaxınını itirən Rövşən Əsgərov bildirib.

"Həmin gecə evdə 8 nəfər idik. Ev uçdu üstümüzə, mən, anamı və oğlumu çıxardılar, lakin atam, qardaşım, onun həyat yoldaşı və övladı və digər bacımın övladı dağıntılar altında qalaraq rəhmətə getdilər. Bilsəm ki, onlar bu gün diriləcək elə bu gün öz canımdan keçməyə hazıram".

Qeyd edək ki, oktaybrın 17 də Emrənistan ərazisindən Gəncə şəhərinə atılan raketlər nəticəsində bir ailənin 5 üzvü - Əsgərov Süliddin İsmayıl oğlu (1948), Əsgərov Bəxtiyar Süliddin oğlu (1980), Əsgərova Nigar Azər qızı (2005),Talıbova Sevil Süliddin qızı (1982) və onun 10 aylıq körpəsi dünyasını dəyişib.