İran KİV-lərinin məlumatına görə general Süleymani bildirib ki, “İslam dövləti” terrorçu qruplaşmasının hərbi əsiri edam etməsi nə islam qanunlarına, nə dünyəvi qanunlara uyğun deyil. “Buna görə bu terror təşkilatı tamamilə məhv edilməlidir”-general bildirib.

General Süleymaninin bu xəbərdarlıqla çıxış etdiyi bir vaxtda İŞİD Suriyanın Homs əyalətində Bəşər Əsədə sadiq qüvvələrin mövqelərinə hücuma keçib. Bu zaman azı 63 nəfər həlak olub. Həlak olanlar arasında “Qüds” briqadasının döyüşçüləri və “Hizbullah”çılar da var.