AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Mehdiabadda 45 yaşlı kişi azyaşlı qıza təcavüz etdi: Atası və dostları isə...


Tarix 29.11.24, 15:58	Font ölçüsü : - / +

Abşeron rayonunda 1979-cu il təvəllüdlü Rəhim qonşusunun azyaşlı qızı Səbinəyə (adlar şərti verilib – red.) təcavüz edib.

Teleqraf.com-un əldə etdiyi məlumata görə, hadisə Abşeron rayonunun Mehdiabad qəsəbəsində baş verib.

Rəhim fərdi yaşayış evinin həyətində cinsi ehtirasını ödəmək məqsədi ilə qonşuluqda yaşayan 2014-cü il təvəllüdlü Səbinənin köməksiz vəziyyətindən istifadə edərək ona qarşı seksual xarakterli iyrənc hərəkətlər edib.

İstintaq orqanı tərəfindən Rəhimin barəsində Cinayət Məcəlləsinin 150.3.3-cü (on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan edilib.

“Cücələri yemlədim, işlərimi gördüm”

Cinayət işi üzrə təqsirləndirilən şəxs qismində ifadə verən Rəhim ona elan olunmuş ittiham üzrə özünü təqsirli bilməyib. O, ifadəsində göstərib ki, işdən evə gəlib, həyat yoldaşının qardaşıgildə yas olduğu üçün ailə üzvlərini oraya yola salıb, özü isə evdə qalıb:

“Həyətdə cücə saxlayıram, balaca itim var. Toyuqlar yerində olmadığı üçün çölə çıxaraq gəzdim. Toyuqları soruşdum, qonşular buralarda olduğunu bildirdilər. Həyətə qayıdıb cücələri yemlədim, içəri keçib yeməyimi yedim. Qapı döyüləndə çölə çıxdım, uşaqlar toyuqların qapımızın ağzında olduğunu bildirdilər. Onlara toyuqları qovalayaraq içəri salmalarını dedim.

İki bacı Səbinə və Könül toyuqları içəri salarkən mənimlə birlikdə həyətə daxil oldular. Ardınca məndən itin yerini soruşdular, iti oynatmağı xahiş etdilər. Onların əlində kolbasa-çörək vardı. İti oynatmaq üçün bacılara verdim, özüm içəri keçərək cücələri yemlədim, işlərimi gördüm”.

“Əri gələcəyini dedi”

Təqsirləndirilən şəxs qeyd edib ki, cücə damından çıxdıqdan sonra Səbinənin üzünün toz-torpağa bulaşdığını görüb: “İtlə oynayanda üzünü bulaşdırmışdı. Mən də sol qolumla Səbinənin başını qaldırdım, sağ qolumla üzünü sildim. Həmin vaxt bacısı yanında idi, qapı da açığıydı.

Qapı açıq olduğu üçün çöldən içəri görsənirdi. Mən ittiham olunduğum əməli etmiş olsaydım, camaatın gözü qarşısında yox, arxada, gizlin bir yerdə belə şey edərdim.

Uşaqlar getdikdən sonra, üstündən təxminən yarım saat keçdi. Anaları gəldi və uşaqlarına nə etdiyimi soruşdu. Mən iheç nə etmədiyimi dedim. Qonşu “yox, uşaqarıma nəsə etmisən” dedi. Mən də israrla uşaqlarına qarşı hansısa pis hərəkət etmədiyimi söylədim.

Daha sonra Səbinəgilin anası mənə əri Lətifin gələcəyini dedi”.

“Mənə bıçaqla xəsarət yetirmək istədi”

Rəhimin ifadəsinə görə, bir neçə saat sonra artıq hava qaralanda qapı döyülməyə, təpiklənməyə başlanıb: “Lətifgil qapını sındıraraq içəri keçdilər. Lətif uşağa nə etdiyimi soruşdu. Mən də heç nə etmədiyimi dedim. Üç nəfər üstümə düşüb məni vurmağa başladı. Əvvəl çöldə, sonra da evin içərisində vurdular. Məni döyüb getdilər. Hətta Lətifin dostu mənə bıçaqla xəsarət yetirmək istədi, ancaq buna imkan vermədilər”.

Təqsirləndirilən şəxs bildirib ki, təqribən 2-3 ildir Lətifgillə qonşudur, Lətifin ailəsi bu ərazidə daha əvvəldən yaşayıblar: “Onların evi ilə mənim evim yan-yanadır, qapı qonşusuyuq. Aramızda əvvəllər hansısa ədavət və ya düşmənçilik olmayıb. Ailəvi gediş-gəlişimiz də olmayıb. Amma Səbinəgil mənim uşaqlarımla həyətimdə də, küçədə də oynayıblar”.

Rəhim qeyd edib ki, uşaqların anası getdikdən təxminən bir saat sonra uşaqların atası Lətif, sonuncunun dostu və bacısı oğlu gəlib: “Lətifgil uşağa “əxlaqsız” hərəkət edib-etmədiyimi soruşdu. Mən də uşaqların valideynlərinin dediklərini inkar edərək onlara heç nə etmədiyimi bildirdim. Bu zaman üçü də üzərimə cumaraq mənə xəsarət yetirməyə başladılar.

Mən Lətifgildən hansısa üzrxahlıq istəməmişəm. Təxminən yarım saat Lətifgil tərəfindən döyülmüşəm. Həmçinin döyülən zaman mənə qarşı əxlaqsız məzmunda hərəkətlər edilib. Döyüldüyüm gün sözügedən xüsusatla bağlı polisə şikayət etmişəm. Qarşı tərəfin məni şərləmək səbəbini bilməmişəm. Ailə üzvlərim evə ayın 12-si səhər saatlarında qayıtdı”.

“Uşaqlarına nə etdiyimi soruşdu”

Təqsirləndirilən şəxs bildirib ki, uşaqları evə dəvət etməyib, onlara oyuncaq, şirniyyat və digər əşylar verməyib: ”Səbinənin ağzını qapının yanında siləndə qapı açıq, Könül çöldə, Səbinə isə içəridə olub. Könülün nə üçün bayıra çıxdığını bilməmişəm.

Məni Lətif, onun dostu və bacısı oğlu birlikdə bellə döyüb, qarın boşluğum, baş və sifət nahiyələrimə xəsarət yetiriblər. Məni əvvəl çöldə, sonra da içəridə döyüblər. Həyətin qapısı taxta olduğu üçün qapı bağlandıqdan sonra həyətin içərisinin taxtaların arasından görünür.

Qızın anası Sevil mənim yanıma gələndə ittihamda göstərilən konkret hərəkəti edib-etmədiyimi soruşmadı, uşaqlarına nə etdiyimi soruşdu. Lətif də mənə sual verəndə konkret olaraq ittiham aktında göstərilən hərəkəti edib-etmədiyimi soruşmadı. Məndən uşağa nə edildiyi soruşuldu. Mən isə heç bir şey etmədiyimi bildirmişəm.

Lətifgil qapıma gələndə nəyəsə peşman olduğumu bildirməmişəm. Lətifgilə yalvarmamışam, “bir səhvdir etmişəm” deməmişəm”.

“Döyüldüyümü bildirdim”

Rəhim bildirib ki, döyüləndən sonra Daxili İşlər Nazirliyinin 102 zəng xidməti mərkəzinə şikayət edib, uşaqla bağlı döyüldüyünü bildirib: “Müstəntiq evimə hadisədən bir ay on gün sonra gəldi və müstəntiqin nə üçün belə gec gəldiyini bilmədim.

Müstəntiq evə gələndə artıq qan izləri qalmamışdı. Təkcə divardakı qan izi bilinirdi. Evdə balaca uşaqlar olduğu üçün qan izləri evdə saxlamamışam, təmizlənib. Mənim paltarım təqribən hadisədən 15 gün sonra götürülüb. Həmin vaxt ərzində üzərimdə qan izləri olduğu üçün paltarım yuyulub və paltarı müstəntiqə təqdim edən zaman paltarın yuyulduğunu müstəntiqə bildirmişəm”.

“Hadisəni anama danışdım”

İş üzrə zərərçəkmiş qismində ifadə verən Səbinənin sözlərinə görə, o, həyətdə bacısı Könüllə oynayan zaman qonşuları Rəhimin toyuğu itib:

“Bacımla birlikdə Rəhimin toyuğunu tapdım, toyuğu qonşunun həyətinə aparmaq üçün oraya getdim. Toyuğu hinə saldıq. Daha sonra bacım çölə çıxdı, mən isə Rəhimgilin həyətində tək qaldım.

Rəhim mənə “gözlərini yum” dediyi üçün gözlərimi yumdum. Daha sonra isə qonşu ağzıma bir şey apardı. Gözlərimi açdıqda Rəhimin əynindəki şalvarın qabağının açıq olduğunu gördüm. Mən tez evə getdim və baş verən hadisəni olduğu kimi anama danışdım”.

“Anam mağazada yox, evdəydi”

Zərərçəkmiş azyaşlı ifadəsində hadisə vaxtı kolbasa çörək yemədiyini, qonşunun həyətində it olmadığını və itlə oynamadığını bildirib: “Hadisə vaxtı anam mağazada yox, evdə olub. Anam mənə kolbasa çörək verməyib. Hadisə qonşunun həyətində darvazaya yaxın yerdə baş verib. Darvaza ilə bizim aramızda təxmini 2 addım məsafə var.

Birinci çölə bacım çıxdı, mən kömək üçün həyətdə qaldım. Rəhim məni evin içərisinə dəvət etmədi, mənə oyuncaq vermədi və başqa bir şey təklif etmədi.

Anama bu hadisəni yemək süfrəsində oturduğumuz vaxt özüm demişəm. Hadisədən sonra çölə çıxıb həyətdə oynamamışam”.

Bu cinayət işinə Sumqayıt Ağır Cinayətlər Məhkəməsində baxılıb.

Məhkəmənin hökmü ilə Rəhim 10 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi müəyyən edilib.

Xəbərin oxunma sayı : 895